شریعت مطہرہ کی رو سے ہر انسان کے مال، جان اور عزت کو تحفظ حاصل ہے۔ اس کو مد نظر رکھتے ہوئے کسی بھی آدمی کے مال اور مملوکہ چیز کو اس کی صریح اجازت یا دلالۃً اجازت کے بغیر استعمال کرنا جائز نہیں۔ 

صورت مسئولہ میں کسی دوسرے کے انٹر نیٹ کا استعمال اس کی اجازت کے بغیر جائز نہیں، ہاں اگر انہوں نے پاس ورڈ اس غرض سے نہیں لگایا کہ ہر کوئی اسے استعمال کرے تو اس صورت میں یہ ان کی طرف سے دلالۃً اجازت شمار ہو گی، تاہم چونکہ نیت کا یقینی علم کسی کو نہیں ہو سکتا، اس لئے کسی دوسرے شخص کا انٹر نیٹ سروس اس کی صریحی یا دلالۃًاجازت کے بغیر استعمال نہ کیا جائے۔ نیز نادرا آفس سر کارکی ملکیت ہے اور سرکاری املاک پوری قوم کا مشترکہ سرمایہ ہے اس وجہ سے اس میں خیانت سے ڈرنا بہت ضروری ہے۔

وعن أبي حرة الرقاشي عن عمه قال: قال رسول الله صلى الله عليه وسلم: «‌ألا ‌تظلموا ‌ألا ‌لا ‌يحل ‌مال امرئ إلا بطيب نفس منه» . (مشكاة المصابيح، کتاب البیوع، ‌‌باب الغصب والعارية، ج:2، ص:889)

لا ‌يجوز ‌لأحد ‌أن ‌يتصرف ‌في ‌ملك ‌الغير بلا إذنه،أو وكالة منه، أو ولاية عليه، وإن فعل كان ضامناّ۔(شرح المجلة، ماده:95، ص:61)