واضح رہے کہ مسجد کے لیے زمین کا وقف اس وقت تام ہوتا ہے جب واقف کی اجازت سے اس جگہ اذان و اقامت کے ساتھ باجماعت نماز ادا کی جائے اور جب تک وقف تام نہ ہو مالک اس زمین میں تصرف کرسکتا ہے۔

صورت مسئولہ کے مطابق اگر مسجد کے لیے زمین وقف کر دی گئی ہو لیکن اس میں جماعت کے ساتھ نماز نہ پڑھی گئی ہو تو وقف تام نہ ہونے کی وجہ سے مالک کی ملکیت اس میں باقی ہے۔ لہٰذا مالک اپنی ملکیت میں جس طرح چاہے تصرف کرسکتا ہے چنانچہ وہ اس زمین کو فروخت کرکے اس کے پیسے مدرسہ یا مسجد پر لگا سکتا ہے۔ نیز اس کے بدلے دوسری جگہ مدرسہ یا مسجد کے لیے زمین خرید کر وقف کر سکتا ہے۔

ثم التسليم في الوقف عندهما أن يجعل له قيما ويسلمه إليه، وفي المسجد أن يصلى فيه جماعة بأذان وإقامة بإذنه كذا ذكر القاضي في شرح الطحاوي۔ (بدائع الصنائع في ترتيب الشرائع، فصل في حكم الوقف الجائز وما يتصل به، ج:6، ص:220)

(ويزول ‌ملكه ‌عن ‌المسجد ‌والمصلى) بالفعل و (بقوله جعلته مسجدا) عند الثاني (وشرط محمد) والامام (الصلاة فيه)

بجماعة۔ (الدر المختار شرح تنوير الأبصار، کتاب الوقف، ص:370)

وللمالك ‌أن ‌يتصرف ‌في ‌ملكه كيف يشاء۔ (العناية شرح الهداية، كتاب الوصية، باب الوصية بثلث المال، ج:10، ص:442)