شریعت مطہرہ کی رو سے قبرستان کے لیے وقف شدہ زمین کا وقف اس وقت تام ہوتا ہے جب وقف کے بعد واقف کی اجازت سے اس میں کم از کم ایک میت  کی قبر بن جائے ۔

صورتِ مسئولہ کے مطابق اگرمیراث کی تقسیم کے بعد تین بھائیوں نے اپنی اپنی ملکیتی زمین کا ایک ایک حصہ قبرستان کے لیے مستقل وقف کر دیا ہو اور وہاں اب تک صرف ایک  میت کی قبر بنی ہو،تو جس بھائی کے حصے میں مذکورہ قبر بنی ہواس کی زمین میں وقف تام ہو نے کی وجہ سے  شرعا اس کویہ اختیار حاصل نہیں کہ وہ موقوفہ قبرستان سے رجوع کر کے اپنے ذاتی استعمال میں لائے،البتہ اگر باقی دو بھائیوں کے حصے میں اگر اب تک کوئی قبر نہ بنی ہو،تو وقف تام نہ ہو نے کی وجہ سے شرعا ان کو یہ اختیار حاصل ہے کہ وہ اپنے حصے کے موقوفہ قبرستان سے رجوع کر کے اپنے ذاتی استعمال میں لائیں ۔

لا ‌يجوز ‌الرجوع ‌عن ‌الوقف.(ردالمحتار على الدر المختار،كتاب الوقف، مطلب في إقالة المتولي عقد الإجارة، ج: 4، ص: 456)

والحاصل أن التسليم على قول من يشترط التسليم وهو قول محمد يكون بإحدي طريقتين: إما بإثبات اليد للقيم عليها أو لحصول المقصود وذلك في السكنى في مسئلة الدار وبالنزول في مسئلة الخان وبالدفن في مسئلة القبروما أشبه ذلك۔( الفتاوى التاتارخانية،كتاب الوقف،الفصل الثاني والعشرون ،ج:8،ص:185(

 الوقف إخراج المال عن الملک علی وجه الصدقة، فلایصح بدون التسلیم کسائر التصرفات۔ (بدائع الصنائع، کتاب الوقف ،ج:5،ص:328 )