واضح رہےکہ جوشخص ایک وقت میں صرف ایک ہی ادارے یا شخص کا کام کرنے کاپابند ہووہ اجیر خاص کہلاتا ہےجس کا حکم یہ ہے کہ وہ مقررہ وقت پرخود حاضر ہونے کا پابند ہوتاہے، اسی بنیاد پر وہ تنخواہ کابھی حق دار ہوتا ہے،اس کویہ اختیارنہیں ہوتا کہ اپنی جگہ کسی اور کو ڈیوٹی پرمقرر کرلے۔

صورت مسئولہ میں استاداس وقت تنخواہ لینے کا مستحق ہوگاجب خود اپنی ڈیوٹی مقرر کردہ اوقات میں انجام دے۔اپنی جگہ کسی دوسرے کومقرر کرنااور خود حاضر نہ ہوکر تنخواہ لیناجائز نہیں۔

والأجير الخاص:الذي يستحق الأجرة بتسليم نفسه في المدة.(الهداية،كتاب الإجارۃ، باب ضمان الأجیر،ج:3،ص:312)

الأجیر الذي استؤجر علی أن یعمل بنفسه لیس له ان يستعمل غيره.(شرح المجلة لسلیم رستم باز،المادۃ:571،کتاب الإجارۃ،الباب السادس،الفصل الرابع فی إجارۃ الآدمی،ج:1،ص:306)