نمازِ جمعہ میں اگر امام سے سہو ہو جائے اور ازدحام اس قدر ہو کہ امام کو خدشہ ہو کہ سجدہ سہو کے لیے سلام پھیرے گا تو مقتدیوں کو معلوم نہ ہو سکے گا کہ یہ سلام ختمِ نماز کا ہے یا سجدۂ سہو کے لیے ہے اور اس سے مقتدیوں میں تشویش پیدا ہو جائے گی تواس صورت میں امام کو سجدۂ سہو نہیں کرنا چاہیے۔ تاہم اگر ازدحام اس قدر نہ ہو، بلکہ امام سمجھتا ہو کہ مقتدیوں کو تشویش نہ ہو گی اور سب کو بہ سہولت معلوم ہو جائے گا کہ یہ سلام سجدۂ سہو کے لیے ہے، تو امام کو سجدۂ سہو کرنا چاہیے۔

صورت مسئولہ کے مطابق جب نماز جمعہ میں امام سے سہو ہوجائے اورامام کے ساتھ اس قدر آدمی ہوں کہ امام کی آواز ہر ایک کو  با آسانی سنائی دیتی ہو اور سجدہ سہو کرنے کی صورت میں انتشار کا اندیشہ نہ ہو تو ایسی حالت میں سجدۂ سہو کرنا لازم ہے۔

ولا يأتي الإمام بسجود السهو فى الجمعة والعيدين دفعا للفتنة بكثرة الجماعة...قوله:"دفعا للفتنة" أي افتتان الناس وكثرة الهرج قوله:"بكثرة الجماعة"الباء للسببية وهي متعلقة بقوله للفتنة وأخذ العلامة الواني من هذه السببية أن عدم السجود مقيد بما إذا حضر جمع كثير أما إذا لم يحضروا فالظاهر السجود لعدم الداعي إلى الترك وهو التشويش.( حاشية الطحطاوي على مراقي الفلاح شرح نور الإيضاح، ص:466)