واضح رہےکہ اپنی گاڑی کسی کوعوض کےبدلےچلانے کےلیےدینا اجارہ کہلاتاہے، اوراجارہ کی شرائط میں سےایک شرط یہ بھی ہےکہ اجرت اورمدت متعین ہو،بصورت دیگراجارہ فاسدہوگا۔

صورتِ مسئولہ میں جب گاڑی کامالک اپنی گاڑی عارف کواجارہ(کرایہ)پردیتاہے،اوریہ طےکیاجاتاہےکہ مالک کوکرایہ کےطورپرحاصل ہونےوالی آمدنی کانصف حصہ ملےگااوراس کےعلاوہ عارف پریہ بھی لازم کیا جاتا ہےکہ وہ ہرماہ 5800 درہم ڈیزل کی مدمیں اداکرے،توایسی صورت میں چونکہ اجرت مجہول ہے،اس لیےیہ معاملہ شرعاًجائزنہیں۔اس کی جائزصورت یہ ہےکہ گاڑی کامالک اپنی گاڑی عارف کوایک معلوم اورمتعین کرایہ پر دے، مثلاًماہانہ5000درہم ۔اس صورت میں مالک صرف متعین کرایہ کاحق دارہوگااورگاڑی سےحاصل ہونے والی تمام آمدنی کرایہ پر لینےوالےکی ہوگی۔نیزتیل ڈالنےکاساراخرچہ عارف(کرایہ پرلینےوالے)کےذمے ہوگاچاہےوہ جتنابھی تیل استعمال کرے۔

ولاتصح حتى تكون المنافع معلومة،والأجرة معلومة.(الھدایة شرح بدایةالمبتدی،کتاب الإجارة،ج:2،ص:296)