واضح رہے کہ طلاق کے  کنائی الفاظ سےاس وقت طلاق ہوتی ہے جب شوہر نے طلاق  دینےکی نیت کی ہو یا طلاق کا مذاکرہ شروع ہو یا غصے کی حالت ہو، نیزیہ بھی واضح ہو کہ الفاظ کنائی سے ایک طلاق بائن واقع ہوتی ہے البتہ اگر کسی لفظ کنائی کا استعمال عرف میں طلاق  میں غالب ہوا ہو تو پھرصریح کے ساتھ ملحق ہوکر اس سے طلاق رجعی واقع ہوتی ہےنیز''چھوڑ دیتے ہیں '' یااس جیسےدیگر الفاظ جن میں حال اوراستقبال دونوں میں طلاق دینے کااحتمال ہوتواگرشوہر کامطلب ایسے الفاظ سے یہ ہوکہ میں نےحال ہی میں طلاق دےدی توبیوی پر طلاق واقع ہوجائےگی اور اگرشوہر کی مراد یہ ہو کہ مستقبل میں طلاق دوں گاتویہ وعدہ طلاق ہوگالہٰذا اس سے بیوی پر طلاق واقع نہ ہوگی ۔

صورت مسئولہ کے مطابق جب بیوی نے شوہرکےساتھ مکالمے میں طلاق کا مطالبہ کیا اور شوہر نے اس کے جواب میں تین مرتبہ ''چھوڑ دیتے ہیں '' کےالفاظ استعمال کئے تو اگر شوہر کی نیت  آئندہ مستقبل میں چھوڑ نےکی دھمکی دیناتھاتواس سےبیوی پرطلاق واقع نہیں ہوئی ۔

صيغة المضارع لا يقع بها الطلاق إلا إذا غلب في الحال.( العقود الدرية في تنقيح الفتاوى الحامدية،ج:1، ص:38)

لو قال: أطلقك لم يقع إلا إذا غلب استعماله في الحال وفي (الصيرفية) لو كان جوابًا لسؤالها الطلاق وقع عند مشايخ سمرقند كأنه لأن سؤالها إياه معينة للحال لكن ينبغي أن لا يختلف في عدم الوقوع فيما إذا قرنه بحرف التنفيس إلا إذا نواه فتكون السين لمجرد التأكيد.( النهر الفائق شرح كنز الدقائق، ج:2، ص:322)