واضح رہےکہ کسی دینی مسئلے کے جواب کو فتوی کہتے ہیں ۔ نیز یہ بھی واضح رہے کہ   مفتی کی ذمہ داری یہ ہے کہ وہ زبان سے جواب دے   ، اس لئے  اگر کوئی تحریری شکل میں فتویٰ چاہے تو اس سے اجرت  لینا جائز ہےالبتہ فقہائے کرام نے اس پر اجرت نہ  لینے کو بہتر اور اولیٰ قرار  دیا ہے۔

صورتِ مسئولہ میں، اگر کسی مدرسہ کے  مہتمم نے مستفتی سے فیس لینا مقرر کیا ہو تو اس کی گنجائش ہے، اور پھر اگر مدرسے کا مہتمم اس فیس کا آدھا حصہ دار الافتاء کے مفتی صاحب کے لیے مقرر کر لے تو اس کی بھی گنجائش ہے۔ تاہم، تقویٰ اور احتیاط کا تقاضا یہ ہے کہ اگر ممکن ہو تو اللہ تعالیٰ کی رضا کے لیے یہ خدمت بلا معاوضہ انجام دی جائے اور اجرت نہ لی جائے۔

الفتوى  فى اللغة والإصطلاح۔۔۔الجواب عن مسئلة دينية۔(أصول الإفتاء وأدابه، ص:9،8)

 قال ابن منظور: "أفتاه في الأمر أبان له، وأفتى الرجل في المسألة واستفتيته فيها فأفتاني إفتاء۔ (أدب المفتي والمستفتي ص :23  )

ومنها أن تكون الأجرة معلوم ۔( الفتاوى الهندية، ج:4،ص:411)

 (‌يستحق ‌القاضي ‌الأجر ‌على ‌كتب ‌الوثائق) والمحاضر والسجلات (قدر ما يجوز لغيره كالمفتي) فإنه يستحق أجر المثل على كتابة الفتوى؛ لأن الواجب عليه الجواب باللسان دون الكتابة بالبنان، ومع هذا الكف أولى احترازا عن القيل والقال وصيانة لماء الوجه عن الابتذال بزازية.  (الدرالمختار،  6/ 92)