واضح رہے کہ عشر کے وجوب کے لیے سبب زمین سے فصل کا نکلنا ہے، نہ کہ سال کا گزرنا، اس لیے ایک پیداوار پر ایک ہی مرتبہ عشر واجب ہوتا ہے ۔

صورت مسئولہ کے مطابق اگر کسی نے ایک دفعہ گندم سے عشرادا کیا ہواورپھر سال گزرا ہو اور اس کے پاس اس گندم میں سے تین بوریاں باقی ہوں تو چونکہ یہ نئی پیداوار نہیں ہے بلکہ وہی سابقہ پیداوار ہے جس کا عشر پہلے ہی ادا کیا جا چکا ہے اس وجہ سےان  باقی ماندہ بوریوں سے دوبارہ عشر ادا کرنا لازم نہیں۔

قال الله تعالیٰ: ﴿وَآتُوا حَقَّهُ يَوْمَ حَصَادِهِ﴾ [الأنعام: 141]

وأما وقت الوجوب فوقت الوجوب وقت خروج الزرع وظهور الثمر عند أبي حنيفة، وعند أبي يوسف وقت الإدراك، وعند محمد وقت التنقية والجذاذ. (بدائع الصنائع في ترتيب الشرائع ،كتاب الزكاة،فصل:وأما وقت الوجوب، ج:2، ص:63)

حتى لو أخرجت الأرض مرارا وجب في كل مرة لإطلاق النصوص عن قيد الحول ولأن العشر في الخارج حقيقة فيتكرر بتكرره. (رد المحتار علی الدر المختار،باب العشر، ج:2، ص:326)