واضح رہے کہ اگر کوئی شخص اپنی کوئی چیز کسی کو اجرت پر دے دے، اور اجرت و مدت دونوں متعین ہوں،  نیز کوئی مخالفِ عقد شرط نہ لگائی گئی ہو تو ایسا معاملہ کرنا شرعاً جائز ہے۔

لہذاصورتِ مسئولہ کے مطابق اگر کوئی شخص پریس مشین اس طرح دوسرے شخص کو کرایے پردے دے کہ وہ اس کے بدلے اسے ہر مہینے 10,000 روپے دے گا تو یہ معاملہ جائز ہے۔نیز دو سال کے بعد اگر نئےعقد کے ساتھ کرایہ دار مشین کو خریدنا چاہےاور باہم رضامندی سے قیمت طے ہو کر عقد بیع طے پائے تو اس میں بھی شرعا کوئی حرج نہیں۔

يشترط لصحة الإجارة أي عدم فسادها أولا أن تكون الأجرة معلومة تماما قدرا ونوعا… يشترط في الإجارة أن تكون المنفعة معلومة بوجه يكون مانعا للمنازعة.( درر الحكام في شرح مجلة الأحكام، الباب الثاني في بيان المسائل المتعلقة بالإجارة، الفصل الثالث في شروط صحة الإجارة، المادۃ:450-451، ج:1، ص:503)