واضح رہے کہ اگر عقد اس طور پر ہو کہ  ایک شخص کا مال ہو اور دوسرے کی محنت ہو،تو اس کو شرعا مضاربت کہتے ہیں،  مال لگانے والے کو رب المال اور محنت کرنے والے کو مضارِب کہا جاتا ہے،مضاربت میں  کاروبار کے اخراجات حاصل شدہ منافع سے پورے کیے جائیں گے، اخراجات نکالنے کے بعدباقی ماندہ منافع کو طے شدہ تناسب سے تقسیم کیا جائے گااور دوکان کا کرایہ بھی اخراجات کا حصہ ہے۔

لہذا صورت مسئولہ کے مطابق حاصل شدہ منافع  سے پہلے دوکان کا کرایہ  نکالا جائے گا، اس کے بعد  بقیہ منافع کو طے شدہ تناسب سے تقسیم کیا جائے گا۔ کرایہ کی رقم صرف  مال والے (رب المال)کے ذمے  نہ ہوگی، تاہم اگر منافع  کرایہ کی رقم ادا کرنے کے لیے کافی نہ ہو تو اس صورت میں کرایہ کی رقم مال لگانے والے (رب المال) کےسرمایہ  سے ادا کی جائے گی۔

(ويأخذ المالك قدر ما أنفقه المضارب من رأس المال إن كان ثمة ربح، فإن استوفاه أو فضل شيء) من الربح (اقتسماه) على الشرط؛ لأن ما أنفقه يجعل كالهالك، والهالك يصرف إلى الربح كما مر. (رد المحتار  علی الدرالمختار،  کتاب المضاربة، ج:12، ص:422)

 (ويبيع) المضارب في المضاربة الصحيحة (بالنقد والنسيئة ويشتري ويوكل ويسافر) برا وبحرا... (وله الإبضاع والإيداع) واستئجار العمال للأعمال واستئجار المنازل لحفظ الأموال واستئجار السفن والدواب. (البحر الرائق شرح كنز الدقائق، کتاب المضاربة،  ج:7، ص:450)

والأصل أن التصرفات في المضاربة ثلاثة أقسام: قسم: هو من باب المضاربة، وتوابعها فيملكه من غير أن يقول له: اعمل ما بدا لك كالتوكيل بالبيع والشراء والرهن والارتهان والاستئجار والإيداع والإبضاع والمسافرة. (رد المحتار  علی الدرالمختار، کتاب المضاربة، ج:7، ص:386)