واضح رہے کہ مہر معجل کے بارے میں تمام فقہاء کا اتفاق ہے کہ یہ وجوب زکوۃ  اور وجوب قربانی کے لیے مانع ہے تاہم مہر موجل  میں ادائے زکوۃ  اور وجوب قربانی کے متعلق  فقہ حنفی میں  مختلف اقوال مذکور ہیں  ، بعض فقہاء کرام کے نزدیک مہر مؤجل ادائے  زکوۃ اور وجوب قربانی کے لیے مانع ہے جب کہ بعض کے نزدیک مانع نہیں،  تاہم  حنفیہ کے راجح قول کے مطابق اگر شوہر اس کو ادا کرنے کا ارادہ رکھتا ہو تو ایسا مہر وجوب زکوۃ اور ادائے قربانی  کے لیے مانع ہوگا اور اگر  ادا کرنے کا ارادہ نہ ہو  تو مانع نہ ہوگا۔

 اس ترجیح کی بنیاد ی وجہ یہ ہے کہ مہرِ مؤجل اگرچہ فی الحال قابلِ مطالبہ دین  نہیں ہوتا، لیکن جب شوہر اسے ادا کرنے کا پختہ عزم رکھتا ہو تو حقیقتاً وہ اس کے ذمہ ایک معتبر اور قابلِ ادا دین ہے، لہٰذا اسے دیگر واجب الاداء دیون کے حکم میں شمار کیا جائے گا۔ اسی وجہ سے حضرت حکیم الامت مولانا اشرف علی تھانویؒ نے امداد الفتاویٰ میں قولِ ثالث کو قابلِ ترجیح قرار دیا ہے اور دو مختلف روایات میں تطبیق بھی اسی بنیاد پرکی ہے کہ ادائیگی کی نیت ہونے یا نہ ہونے سے حکم مختلف ہوگا۔

وعلى هذا يخرج مهر المرأة فإنه يمنع وجوب الزكاة عندنا معجلاً كان أو مؤجلاً؛ لأنها إذا طالبته يؤاخذ به، وقال بعض مشايخنا: إن المؤجل لايمنع؛ لأنه غير مطالب به عادةً، فأما المعجل فيطالب به عادةً فيمنع، وقال بعضهم: إن كان الزوج على عزم من قضائه يمنع، وإن لم يكن على عزم القضاء لا يمنع؛ لأنه لايعده دينًا وإنما يؤاخذ المرء بما عنده في الأحكام".(بدائع الصنائع علی ترتیب الشرائع، کتاب الزکوۃ، ج:2، ص:6)

قال مشايخنا - رحمهم الله تعالى - في رجل عليه مهر مؤجل لامرأته، وهو لا يريد أداءه: لا يجعل مانعا من الزكاة لعدم المطالبة في العادة، وأنه حسن أيضا هكذا في جواهر الفتاوى .( الفتاوى الهندية، كتاب الزكوة، ج:1، ص:173)