شرعی نقطہ نظر سے خریدوفروخت کے معاملے میں اس بات کی رعایت ضروری ہے کہ جس چیز کی خریدوفروخت ہورہی ہو وہ معاملہ طے پاتے وقت بائع(فروخت کنندہ)کی ملکیت میں ہو ، نیز وہ چیز معلوم و متعین ہو اور فروخت کنندہ کے قبضہ میں بھی ہو ، چنانچہ اگر مبیع (جو چیز فروخت کی جا رہی ہو)بیچنے والے کی ملکیت میں نہ ہو، یا ملکیت میں ہو ، لیکن اس پر قبضہ نہ کیا ہو تو محض اشتہار یا تصویر دکھلا کر فروخت  کرنا جائز نہ ہوگا ، البتہ اگر اس چیز کو ملکیت و قبضہ میں لانے کے بعد فروخت کیا جائے تو  جائز ہوگا۔ نیز یہ کہ اگر کسی  شخص کو کسی چیز کے بیچنے کے لیے اجرت پر  وکیل بنایا جائے،تو اس کی اجرت متعین کرنا ضروری ہے، چنانچہ اگر اجرت متعین نہ ہو، تو ایسی صورت میں اجرت مثل ملے گی۔

  صورتِ مسئولہ  کے مطابق ڈراپ شپنگ  (Drop Shipping) کی پہلی صورت میں ری سیلر  کی حیثیت کمپنی کے وکیل کی ہے ،یعنی ری سیلر کمپنی  کا مال اس کی طرف سے وکیل ونمائندہ کی حیثیت سے بیچتا ہے، وکیل کے لیےاپنے عمل پر اجرت  وصول کرنا شرعاً جائز ہے، لیکن واضح طور پر اجرت کو متعین کرنا ضروری ہے مثلا ہر پراڈکٹ کی فروخت پر 100 روپے یا کل قیمت کا دس فیصد وغیرہ ، لہذااس طرح اجرت کو متعین کردیا جائے ۔ کمپنی کی متعینہ قیمت سے زائد کو بطور اجرت مقرر کرنا جائز نہیں کیونکہ اس کی مقدار نامعلوم ہوتی ہے ۔

دوسری صورت میں چونکہ فروخت کی جانے والی  اشیا  بوقتِ فروخت فروخت کنندہ کے قبضہ میں  نہیں ہوتی ، بلکہ متعلقہ ڈیلر یا کمپنی اس چیز کو براہ راست گاہک کی طرف بھیج دیتی ہے ،لہذا اس بنا پر بھی یہ معاملہ شرعاً جائز نہیں۔ تاہم اگر ری سیلر  کمپنی کے اندر کسی آدمی کو وکیل بنائے  اورپراڈکٹ خریدنے کے بعد اس کا وکیل اس پرقبضہ کرےاور پھر گاہک کو بھیج دیا جائے تو پھر جائز ہوگا۔

عن حكيم بن حزام، قال: يا رسول الله ، يأتيني الرجل فيريد مني البيع ليس عندي أفأبتاعه له من السوق؟ فقال: (لا تبع ما ليس عندك).(سنن أبى داود، باب فى العربان، باب في الرجل يبيع ما ليس عنده، ج:3، ص:283، رقم الحديث :3503)

 (ومنها) وهو شرط انعقاد البيع للبائع أن يكون مملوكا للبائع عند البيع فإن لم يكن لا ينعقد، وإن ملكه بعد ذلك بوجه من الوجوه إلا السلم خاصة، وهذا بيع ما ليس عنده ، ونهى رسول الله صلى الله عليه وسلم عن بيع ما ليس عند الإنسان، ورخص في السلم۔۔۔(ومنها) القبض في بيع المشتري المنقول فلا يصح بيعه قبل القبض؛ لما روي أن النبي - صلى الله عليه وسلم -نهى عن بيع ما لم يقبض۔۔۔(ومنها) القبض في بيع المشتري المنقول فلا يصح بيعه قبل القبض؛ لما روي أن النبي - صلى الله عليه وسلم - نهى عن بيع ما لم يقبض. (بدائع الصنائع، كتاب البيوع، فصل في الشرط الذي يرجع إلى المعقود عليه، ج:5، ص:146)

إجارة السمسار والمنادي والحمامي والصكاك وما لا يقدر فيه الوقت ولا العمل تجوز لما كان للناس به حاجة ويطيب الأجر المأخوذ.(ردالمحتارعلى الدر المختار، كتاب الإجارة، باب الإجارة الفاسدة، ج:6، ص:47)