واضح رہے کہ میاں بیوی کے درمیان ازدواجی تعلقات  قائم ہونے کے بعد اگر شوہر باوجود قدرت کے بیوی کے حقوق اور نان نفقہ وغیرہ کی ادئیگی سے انکار کرے جس سے بیوی کے لیے شوہرکے ساتھ زندگی کزارنا مشکل ہو،تو ایسی صورت میں بیوی کو چاہیے کہ شوہر کو طلاق یا خلع پر راضی کرکے اس سے چھٹکارا حاصل کرے،لیکن اگر  شوہر نان نفقہ اور حقوق زوجیت ادا نہ کررہا ہو اور نہ طلاق و خلع پر راضی ہوتا ہو،تو ایسی صورت  میں شوہر متعنت کہلاتاہےاور اس کی بیوی کو مسلمان حاکم یا عدالت کی طرف رجوع کرنے کا اختیار حاصل ہےتاکہ شوہرکوبیوی کے حقوق اورنان نفقہ وغیرہ کی ادئیگی پر مجبور کرے ،اگر شوہر انکار کرے تو شوہر کو طلاق یا خلع پرمجبور کرےاگر شوہر اس سے بھی انکار کرے تو ایسی صورت میں مسلمان حاکم یاعدالت تنسیخ نکاح کا حکم جاری کر کے میاں بیوی کے مابین تفریق کر سکتا ہے اور اس سے دونوں کے مابین طلا ق واقع  ہو جائے گی اورعدت گزارنے کے بعد عورت دوسری شادی بهی کر سکتی ہے۔

صورت مسؤلہ کے مطابق اگر واقعتاََ ناچاقی اورظلم شوہر کی طرف سے ثابت تھا۔ وہ نہ حقوق زوجیت ادا کرتا تھا اور نہ اپنی بیوی کوخلع یا طلاق دینے پر راضی ہوتا تھا ۔تو ایسی صورت میں بیوی کا عدالت کی رجوع کرنا جائز ہے۔ اگر واقعی عدالت نے اپنی وسعت کے مطابق پوری تحقیق کی ہواور شوہر کو بطور مدعا علیہ عدالت میں حاضر ہونے کا نوٹس بھیجا ہو، لیکن وہ نوٹس ملنے کے باوجود حاضر نہ ہوا، تو ایسی صورت میں عدالت کی جاری کردہ تنسیخ نکاح کی ڈگری  نافذ ہو کر بیوی کوشرعا ََطلاق بائن واقع ہوگی چنانچہ عدت پورے ہونے کے بعد کسی دوسری جگہ نکاح کر سکتی ہے۔

وأما المتعنت عن الإنفاق ،ففي مجموع الأمير ما نصه إن منعها نفقة الحال،فلها القيام،فإن لم يثبت عسره انفق أو طلق ،وإلا طلق عليه،قال محشيه:قوله(وإلا طلق عليه)الحاكم من غير تلوم۔(الحیلة الناجزة،ص:133)