واضح رہے کہ میت کو غسل دینا ،کفنا نا، نماز جنازہ پڑھنا اور دفن کرنافرض کفایہ عمل ہے۔ اگر کچھ لوگ ادا کردیں، تو سب اہل محلہ اور گاؤں والوں کا ذمہ فارغ ہوجائے گا ورنہ سب گناہ گار ہوں گے۔

صورت مسئولہ کے مطابق میت کے کفن دفن وغیرہ کے لئے باہمی رضامندی سےفنڈ کا نظام قائم کرنا فی نفسہ جائز اور مستحسن عمل ہے تاہم ہر فرد پر ماہانہ رقم کولازمی قرار دینا اور قلبی رضامندی کے بغیر ان سے وصول کرکے اسے میت کے امور یا سماجی کاموں میں استعمال کرنا شرعاً جائز نہیں ہے۔

اس کے متبادل طریقہ کار یہ ہےکہ شریک ہونے والے افراد اپنی رضامندی سے اس کمیٹی کا حصہ بنیں، کسی پرزبردستی نہ ہو۔ کمیٹی کا قیام وقف کی بنیاد پر ہوجس کا طریقہ یہ ہو   کہ ابتدا میں کچھ افراد اپنی خوشی اور رغبت سے کچھ رقم اس کمیٹی کے نام وقف کریں جس سے وقف فنڈ قائم ہو جائے گا، کمیٹی کے ذمہ داران اس کے متولی ہوں گے، اس اصل فنڈ کو مستقل طور پر محفوظ رکھا جائے اور ممبر ان اس فنڈ کو تبر عار قم دیا کریں، وہ چندہ کی رقم اس وقف فنڈ کی ملکیت شمار ہو اور بوقت ضرورت اسی چندہ کی رقم سے خرچ کیا جائے، اصل وقف فنڈ سے نہیں تا کہ وقف قائم رہے۔

جو لوگ اس فنڈ کے لیے رقوم وقف کرتے ہیں وہ اس رقم کےمصرف کے لیے شرائط اور طریقہ کار وضع کر لیں اور بہتر یہ ہے کہ تحریری شکل میں محفوظ کر لیں کہ اس وقف سے کس کے ساتھ، کس حد تک، کن شرائط کے ساتھ تعاون کیا جائے گا۔ کمیٹی کا حصہ بننے والے ممبر کے سامنے اس بات کی وضاحت ہو کہ آپ کا چندہ اس مقصد کے لیے وقف کی ملکیت ہو جائے گا چنانچہ بعد میں اس رقم کو واپس لینے اور مطالبہ کا حق حاصل نہ ہو گا۔

ابتداءر قوم وقف کرنے والے اس وقف فنڈ کے متولی اور منتظمین شمار ہوں گے، مالک نہیں ہوں گے، چنانچہ ان کا کام وقف کے لیے چندہ کی رقم پر قبضہ کرنا، اس کی حفاظت کرنا اور وضع کردہ اصولوں کے تحت اس فنڈ کو خرچ کرنا ہو گا۔

انتظامی کمیٹی کے افراد کی حیثیت محض متولی کی ہو گی اس لیے وہ صرف طے شدہ مصارف میں ہی فنڈ کو خرچ کر سکیں گے۔ کسی بھی دوسرے مصرف یا ذاتی مفادات کے لیے خرچ کرنے کے مجاز نہیں۔ ورنہ یہ خیانت متصور ہو گا۔

حَدَّثَنَا هِشَامُ بْنُ عَمَّارٍ، وَمُحَمَّدُ بْنُ الصَّبَّاحِ، قَالَا: حَدَّثَنَا سُفْيَانُ بْنُ عُيَيْنَةَ، عَنْ جَعْفَرِ بْنِ خَالِدٍ، عَنْ أَبِيهِ، عَنْ عَبْدِ اللَّهِ بْنِ جَعْفَرٍ، قَالَ: لَمَّا جَاءَ نَعْيُ جَعْفَرٍ قَالَ رَسُولُ اللَّهِ صلى الله عليه وسلم: اصْنَعُوا لِآلِ جَعْفَرٍ طَعَامًا، فَقَدْ أَتَاهُمْ مَا يَشْغَلُهُمْ، أَوْ أَمْرٌ يَشْغَلُهُمْ. (سنن ابن ماجه، ج:2، ص:537)

والحديث أصل في المشاركات عند الحاجة، وصححه الترمذي. والسنة فيه أن يصنع في اليوم الذي مات فيه، لقوله صلى الله عليه وسلم: "فقد جاءهم ما يشغلهم عن حالهم، فحزن موت وليهم اقتضى أن يتكلف لهم عيشهم"، وقد كانت للعرب مشاركات ومواصلات في باب الأطعمة باختلاف أسباب وفي حالات جماعها-انتهى.( مرعاة المفاتيح شرح مشكاة المصابيح، ج:5، ص:480)

عن عمرو بن يثربي، قال: خطبنا رسول الله صلى الله عليه وسلم، فقال:" ألا ولا يحل لامرئ من مال أخيه شيء إلا بطيب نفس منه، (مسند الإمام أحمد بن حنبل، حديث عمرو بن يثربي، رقم الحديث:21082)

(والصلاة عليه) صفتها (فرض كفاية) بالإجماع فيكفر منكرها لأنه أنكر الإجماع قنية (كدفنه) وغسله وتجهيزه فإنها فرض كفاية.(ردالمحتار على الدرالمختار، باب صلاة الجنازة، ج:2، ص:207)