سوال

ایک ادارہ درج ذیل شرائط وضوابط کےتحت"عمرہ کمیٹی" کا سلسلہ چلا رہا ہے؟1۔ ہر ممبر اپنی ماہانہ کمیٹی ہر ماہ کی 5 سے 10 تاریخ کے درمیان جمع کروائے گا اور انتظامیہ سے اپنے کارڈ پرانٹری اور دستخط لازماً کروائے گا۔2۔ ہرماہ کی قرعہ اندازی 12 تاریخ کومنعقد ہوگی۔ اگر کسی مجبوری کی بنا پر تاریخ میں تبدیلی کی جائےتوتمام ممبران کو پیشگی اطلاع دے دی جائےگی۔3۔ جو ممبر 10 تاریخ تک اپنی کمیٹی جمع نہیں کروائے گا،اس کا نام اس ماہ کی قرعہ اندازی میں شامل نہیں کیاجائےگا۔البتہ اگروہ اگلےمہینےسابقہ بقایا کمیٹی کےساتھ اپنی رقم جمع کرادے تواس کا نام دوبارہ قرعہ اندازی میں شامل کرلیاجائےگا۔ کمیٹی دیرسےجمع کرانےپرکسی قسم کا مالی جرمانہ عائد نہیں کیا جائے گا۔4۔ جب کسی ممبر کی بی سی (کمیٹی) نکل آئےتواسےمکمل اختیارحاصل ہوگاکہ وہ اپنی بی سی کی رقم نقد وصول کرلےیا اپنی بی سی کی رقم سےعمرہ پیکج حاصل کرلے۔اگرعمرہ پیکج اوردیگراخراجات بی سی کی رقم سےکم ہوں توباقی ماندہ رقم ممبرکوواپس کردی جائےگی۔اگرعمرہ پیکج کی قیمت بی سی کی رقم سےزیادہ ہوتوادارہ عزمِ خدمت اتحاد تبرعاًاپنی طرف سےرقم شامل کرکےعمرہ پیکج کی آفرپیش کرسکتاہے۔نوٹ:ادارہ عزمِ خدمت اتحاد کی طرف سےدی جانے والی یہ آفرمکمل طورپراختیاری ہوگی۔ممبرچاہےتواس آفرکوقبول کرکےعمرہ پیکج حاصل کرلےاوراگرچاہےتواسےقبول نہ کرے اور اپنی بی سی کی رقم نقد وصول کرلے۔ اس آفرکوقبول کرنا ممبرکےلیےلازم نہیں ہوگا۔عمرہ پیکج 15 دن کاہوگا،جس میں 15دن کاویزا،ان ڈائریکٹ فلائٹ،ٹرانسپورٹ،ہوٹل اورفیلڈ سروس شامل ہوگی۔ نوٹ:کھانےاورشاپنگ کےاخراجات شامل نہیں ہوں گے،نیزربیع الاول، شعبان اوررمضان المبارک کےمہینوں میں یہ پیکج قابلِ اطلاق نہیں ہوگا۔5۔ جس ممبر کی بی سی (کمیٹی) نکل آئےاوروہ اپنی بی سی کی رقم نقدوصول کرلےیاعمرہ پیکج حاصل کرلے،وہ اس کےبعد بھی اپنی تمام بقیہ ماہانہ کمیٹیوں کی بروقت ادائیگی کاپابندہوگا۔اگرکوئی ممبربعد میں کمیٹی کی اقساط ادا نہ کرے،تاخیر کرے،جان بوجھ کرٹال مٹول سےکام لےیابقایارقم کی ادائیگی سےانکارکرےتوانتظامیہ کواس کےخلاف قانونی اورشرعی تقاضوں کےمطابق کارروائی کرنےکاحق حاصل ہوگا۔6۔ جو نیا ممبر کمیٹی کے دوران شامل ہوگا،اگر وہ پہلے ممبر کی جمع شدہ رقم اداکردیتاہےتواسےاسی ترتیب میں شامل کر لیا جائے گا۔7۔ قرعہ اندازی مکمل شفافیت، دیانت داری اورتمام ممبران اورگروپ لیڈرزکی موجودگی میں کی جائے گی۔8۔ ممبران اس بات سے باخبر ہیں کہ ان کی بی سی (کمیٹی) نکلنے سے پہلے تک جمع شدہ رقوم ادارے کے پاس موجود رہیں گی۔ ادارہ ان رقوم کو کسی بھی جائز، شرعی اور قانونی کام میں استعمال کرنے کا مجازہوگا،البتہ ممبران کی رقوم اور ان کے حقوق کی ادائیگی کی مکمل ذمہ داری ادارے پر برقراررہے گی۔ مذکورہ بالا شرائط و ضوابط کی روشنی میں اس عمرہ کمیٹی کا قائم کرنا اور اس میں شرکت کرنا شرعاً جائز ہے یا نہیں؟ نیز اس طریقۂ کار میں کسی قسم کی شرعی خرابی، سود، قمار، غرر یا دیگر شرعی قباحت پائی جاتی ہو تو اس کی بھی وضاحت فرما دی جائے،اور اگر بعض شرائط میں اصلاح کی ضرورت ہو تو اس کی بھی رہنمائی فرما دی جائے۔

جواب

---

---