واضح رہے کہ جب بھاری کارپٹ پر نجاست لگ جائے تو اسے پاک کرنے کا طریقہ یہ ہے کہ ناپاک جگہ پرتین مرتبہ  پانی ڈالا جائےاور ہر مرتبہ  کسی تولیہ یا کپڑے وغیرہ سے خوب خشک کیا جائے یااتنی دیر تک چھوڑ دیا جائے کہ وہ جگہ خشک ہوجائے۔

لہذا صورتِ مسئولہ کے مطابق اگر کارپٹ پر  تین بار پانی ڈالے بغیرصرف گیلے کپڑے سے پونچھ کر خشک کیا گیاہوتو اس  سے وہ پاک نہیں ہوا،  اور جہاں تک کارپٹ سوکھنے کے بعد پڑھی جانے والی نمازوں کا تعلق ہے تو اگر اس نجس جگہ کے اوپر مصلیٰ (جائے نماز) بچھا کر نمازیں پڑھی گئی ہوں تو وہ نمازیں درست ہیں لیکن اگر نجس جگہ پر کوئی مصلیٰ وغیرہ بچھائے بغیر نمازیں پڑھی گئی ہوں تو وہ درست نہیں۔

وما لا ينعصر يطهر بالغسل ثلاث مرات والتجفيف في كل مرةلأن للتجفيف أثرا في استخراج النجاسة. ( الفتاوى الهندية، کتاب الطہارۃ،الباب السابع في النجاسة وأحكامها،الفصل الأول في تطهير الأنجاس، ج:1، ص: 42)

وكذا الثوب إذا فرش على النجاسة اليابسة؛ فإن كان رقيقا يشف ما تحته أو توجد منه رائحة النجاسة على تقدير أن لها رائحة لا يجوز الصلاة عليه، وإن كان غليظا بحيث لا يكون كذلك جازت. (ردالمحتار علی الدرالمختار، کتاب الصلوٰۃ، باب ما يفسد الصلاة وما يكره فيها، ج:1، ص:626)