واضح رہے کہ خاوند کے فوت ہونے یا طلاق ملنے کے بعد بیوہ کے لئے خاوند کے گھر میں عدت گزارنا ضروری ہے، لیکن اگر خاوند کا کوئی مستقل گھر نہ ہو یا گھر ہو لیکن اس میں عدت گزارنا کسی عذر کی وجہ سے ممکن نہ ہو، تو ایسی صورت میں بیوہ دوسری جگہ منتقل ہوسکتی ہے۔

 صورت مسئولہ کے مطابق خانہ بدوشوں کا چونکہ مستقل کوئی گھر نہیں ہوتا اور ایک جگہ سے دوسری جگہ کوچ کرتے رہتے ہیں، اس لئے بیوہ یا مطلقہ کے لئے اس عذر کی بنا پر جب ایک ہی جگہ عدت گزارنا ممکن نہ ہو تو وہ عدت کے دوران ایک جگہ سے دوسری جگہ منتقل ہوسکتی ہے۔

(وتعتدان) أي معتدة طلاق وموت (في بيت وجبت فيه) ولا تخرجان منه (إلا أن تخرج أو ينهدم المنزل، أو تخاف) انهدامه، أو (تلف مالها، أو لا تجد كراء البيت) ونحو ذلك من الضرورات فتخرج لأقرب موضع إليه. (ردالمحتار علی الدر المختار، كتاب الطلاق، ج:3، ص:536)