واضح رہے کہ مروجہ کمیٹی (بی سی)قرض کی ایک صورت ہے،اس میں  تمام  شرکا ایک خاص رقم جمع کرکے کسی شریک کو بطورِ قرعہ اندازی ساری رقم دیتے ہیں، کمیٹی کا منتظم بھی اس میں حصہ لے سکتا ہے مروجہ کمیٹی کی یہ صورت فی نفسہ جائز ہے، تاہم اگروہ دوسرے مفاسد پر مشتمل ہو تو جائز نہ ہوگی، مثلا:یہ کہ اس میں مستقبل کی تاریخ پر بیع ہو، یا مبیع کا ثمن متعین نہ ہو وغیرہ ۔

صورت مسئولہ کے مطابق  چونکہ کمیٹی کے ممبران کا کمیٹی کے منتظم کے ساتھ مستقبل میں بائیک خریدنے کا عقد  ہوتا ہے جو کہ شرعا جائز نہیں ، نیز بائیک کی قیمت بھی متعین نہیں ہوتی  ، اس لیے یہ صورت ناجائزہے ،   اس کی جائز صورت یہ ہے کہ جس ممبر کےنام  قرعہ نکل آئے اس کو سارے پیسے ایک لاکھ اسی ہزار دیے جائیں ، پھر اس کی  مرضی ہے کہ  بائیک خریدے یا  کسی اور مقصد  کے لیے استعمال کرے۔

(وما تصح إضافته إلى) الزمان (المستقبل... فهي أربعة عشر... (وما لا تصح) إضافته (إلى المستقبل) عشرة (البيع، وإجازته، وفسخه، والقسمة والشركة والهبة والنكاح والرجعة والصلح عن مال والإبراء عن الدين) لأنها تمليكات للحال فلا تضاف للاستقبال كما لا تعلق بالشرط لما فيه من القمار.( رد المحتار علی الدرالمختار، کتاب البیوع، ج:7، ص:517)

 (وشرط لصحته معرفة قدر) مبيع وثمن (ووصف ثمن) قوله: وشرط لصحته معرفة قدر مبيع وثمن ككر حنطة وخمسة دراهم أو أكرار حنطة. (رد المحتار علی الدرالمختار، کتاب البیوع، ج:7، ص:48)

وأما حكم القرض فهو ثبوت الملك للمستقرض في المقرض للحال، وثبوت مثله في ذمة المستقرض للمقرض للحال، وهذا جواب ظاهر الرواية. (بدائع الصنائع، كتاب القرض،  ج:10، ص:600)