واضح رہے کہ  اگر کوئی ایسی چیز  ناپاک ہو جائے جسے  نچوڑا جاسکتاہوتو وہ دھوکر نچوڑنے سے پاک ہو جاتی ہے، اور اس کے پاک ہونے میں دھونے والے کی  رائے کا اعتبار ہوگا، فقہا ء کرام نے آسانی کے لیے تین دفعہ دھونےاورنچوڑنے کا ذکر کیا ہے کہ اس سے عام طور پر چیز پاک ہو جاتی ہے۔

صورت مسئولہ کے مطابق جب آٹومیٹک واشنگ مشین میں کپڑوں کو اسپن کیا جاتا ہے تو یہ بھی نچوڑنے کے قائم مقام ہے اس لیے جب مشین میں  ناپاک کپڑےایک مرتبہ پاک پانی سے دھلنے کے بعد اسپن کے ذریعے اس سے پانی نکل جائے،اور  پھر دوسری  اور تیسری مرتبہ  بھی صاف پانی سے دھل کر اسپن کے ذریعے   پانی نکل جائےتو اس  سے کپڑے پاک ہوجائيں گے ۔

(و) يطهر محل (غيرها) أي: غير مرئية (بغلبة ظن غاسل) لو مكلفا وإلا فمستعمل (طهارة محلها) بلا عدد به يفتى.(وقدر) ذلك لموسوس (بغسل وعصر ثلاثا) أو سبعا (فيما ينعصر) مبالغا بحيث لا يقطر. (رد المحتار علی الدرالمختار،  كتاب الطهارة، ج:1، ص:539)

وإن كانت غير مرئية يغسلها ثلاث مرات. كذا في المحيط ويشترط العصر في كل مرة فيما ينعصر ويبالغ في المرة الثالثة حتى لو عصر بعده لا يسيل منه الماء. (الفتاوى الهندية، كتاب الطهارة، ج:1، ص:96)