واضح رہے کہ اگر کسی شخص پر قرض ہو، لیکن اس کے پاس کچھ مال بھی موجود ہو، تو یہ دیکھا جائے گا کہ  واجب الادا قرض ادا کرنے کے بعد اس کے پاس نصاب کے برابر مال بچتا ہے یا نہیں اگر بچتا ہو تو اس پر قربانی واجب ہوگی ورنہ نہیں ۔

صورتِ مسئولہ میں، چونکہ سائل 17 لاکھ روپے کا مقروض ہے اور اس کی  تنخواہ 1 لاکھ 65 ہزار روپے ہے، لہٰذا اگر تنخواہ کے علاوہ اس کے پاس کوئی نقد رقم،سامان تجارت یا ضرورت سے زائد مال نہ ہو تو وہ صاحبِ نصاب نہیں، اس بنا پر اُس پر قربانی واجب نہیں ہوگی۔

ولوكان عليه دين بحيث لوصرف فيه نقص نصابه لا تجب.(الفتاوى الهندية،كتاب الأضحية،الباب الأول،ج:5،ص:292)

(‌قوله ‌واليسار ‌إلخ) ‌بأن ‌ملك ‌مائتي ‌درهم ‌أو ‌عرضا يساويها غير مسكنه وثياب اللبس أو متاع يحتاجه إلى أن يذبح الأضحية ولو له عقار يستغله فقيل تلزم لو قيمته نصابا.(رد المحتار على الدرالمختار، كتاب الأضحية،ج:6،ص:312)