واضح رہے کہ زکوۃ کی شرائط میں سے ایک شرط یہ ہے کہ نصاب کامل ہو یعنی ساڑھے سات تولہ سونا یا ساڑھے باون تولہ چاندی یا اس کی قیمت کی برابر نقد رقم یا سامان تجارت ہواور اس پر سال گزرچکا ہوتوا س پرزکوۃ لازم ہوگی ۔ اگر ان میں سے کوئی ایک بھی نصاب پورا نہ ہو بلکہ کچھ سونا ہو، کچھ چاندی اور کچھ نقد رقم ہو تو اس صورت میں ان کو اجزاء کے اعتبار سے ملا کر دیکھا جائے گا اگر ملانے سے نصاب پورا ہو جائے تو زکوۃ واجب ہوگی ورنہ نہیں۔نیزضرورت سےزائد  سامان پرزکوۃفرض نہیں ہوتی۔

 صورت مسئولہ کےمطابق اگراس عورت کےپاس چارتولہ سونا،دوتولہ چاندی ہوتوصاحب نصاب بننےکےلیےاس عورت کے پاس مزید ساڑھےبایئس تولہ چاندی یاا س کی قیمت کا ہونا ضروری ہے،چونکہ چاندی کےموجودہ (مئی،2026)ریٹ کے اعتبارسے 20 ہزار روپےساڑھے بائیس تولہ چاندی کی قیمت سے کم ہیں، اس لیے اس عورت پر زکوۃفرض نہیں۔

منھا: كون المال نصابا فلا تجب في أقل منه.(الفتاوى الھندية، كتاب الزكاة،ج:1، ص: 233)

‌ثم ‌اختلفوا ‌في ‌كيفية ‌الضم، ‌فقال ‌أبو ‌حنيفة ‌رحمه ‌الله ‌تعالى: ‌يضم ‌أحدهما ‌إلى ‌الآخر ‌باعتبار ‌القيمة، وقال أبو يوسف ومحمد باعتبار الأجزاء وهو إحدى الروايتين عن أبي حنيفة رحمه الله تعالى. (المبسوط للسرخسی، كتاب الزكاة، باب زكاة المال، ج:2، ص: 193)