واضح رہے کہ حیلۂ تملیک کرنے کی شریعت میں انتہائی مجبوری کی صورت میں اجازت دی گئی ہے، بلا ضرورت حیلۂ تملیک کرنا مستحقین زکوۃ کی حق تلفی کی وجہ سے مکروہِ تحریمی ہے۔

لہذا صورت مسئولہ میں زید جو کہ صاحب نصاب ہے اس کا زکوۃ کی رقم اپنے استعمال میں لانے کے لئے حیلہ تملیک کرنا فقراء کی حق تلفی کی وجہ سے مکروہ تحریمی ہے، تاہم اگر مستحق کو ملکیتًا زکوۃ دی گئی تھی اور اس نے اپنی مرضی سے زید کو ہبہ کی ہو، تو مزکی کی زکوۃ ادا شمار ہوگی۔

وإذا فعله حيلة لدفع الوجوب... قال أبو يوسف لا يكره؛ لأنه امتناع عن الوجوب لا إبطال حق الغير...وقال محمد: يكره، واختاره الشيخ حميد الدين الضرير؛ لأن فيه إضرارا بالفقراء وإبطال حقهم مآلا. (رد المحتار علی الدر المختار، کتاب الزکوة، جلد:2، ص:284)