واضح رہے کہ محدثین کے نزدیک حدیث کی صحت یا ضعف کا دارومدار سند پر ہوتا ہے اس وجہ سے اگر کوئی روایت سند کے بغیر ذکر ہو تو یہ اس کے غیر معتبر ہونے کی دلیل  شمار ہوتی ہے، سوال میں مذکور حدیث اگر چہ دقائق الاخبار نامی کتاب میں مذکور ہے ، تاہم وہاں یہ بلا سند نقل کی گئی ہے۔ اور یہ کتاب فن حدیث کی معتبر کتاب نہیں، جب کہ  تلاش و جستجوکے باجود یہ روایت کسی دوسری  معتبر حدیث کی کتاب میں نہیں مل سکی، لہذا جب تک اس کی معتبر سند اور حوالہ موجود نہ ہو تب تک اس روایت کو حدیث کہہ کر نبی کریم ﷺ کی طرف منسوب کرتے ہوئے آگے  بیان کرنے سے احتراز ضروری ہے۔

عَنْ الْمُغِيرَةِ رضي الله عنه قَالَ:سَمِعْتُ النَّبِيَّ صلى الله عليه وسلم يَقُولُ: إِنَّ كَذِبًا عَلَيَّ لَيْسَ كَكَذِبٍ عَلَى أَحَدٍ، مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ.( صحيح البخاري،كتاب الجنائز، باب ما يكره من النياحة على الميت، ج:1، ص:434)

عبدان بن عثمان يقول: سمعت عبد الله بن المبارك يقول: الإسناد من الدين، ولولا الإسناد لقال من شاء ما شاء.( صحيح مسلم، باب بيان أن الإسناد من الدين، ج:1، ص:12)