واضح رہے کہ عاقدین کے مابین خرید و فروخت کا معاملہ طے پاتے وقت اس بات کا لحاظ ضروری ہے کہ مبیع(فروخت کی جانے والی چیز)بائع (فروخت کرنے والا)کی ملکیت اور قبضہ میں موجود  ہو چنانچہ ا گر مبیع بائع کی ملکیت اورقبضہ میں نہ ہو تو معاملہ جائز نہیں ہوتا۔

لہذا صورت مسئولہ کے مطابق آن لائن کاروبار میں اگر مبیع بیچنے والے کی ملکیت اور قبضے میں نہ ہو اور وہ محض کسی چیز کا  اشتہار یا تصویر دکھا کر کسی کو فروخت کر دے، اور بعد میں وہ سامان کسی سے خرید کر فراہم کرے، تو یہ صورت شرعاً جائز نہیں ہے۔اس سے حدیثِ مبارک میں منع فرمایا گیا ہے۔ اسی طرح دوسری صورت میں بھی  آرڈر لیتے وقت مبیع بائع کی ملکیت میں موجود نہیں ہوتا،اس لیے اس صوررت میں بھی مبیع خریدنے اور قبضہ کرنے سے پہلے پہلے اس چیز کو فروخت کرنا جائز نہیں  ،البتہ محض وعدہ بیع کر کے پھر جب ملکیت وقبضہ میں آجائےتو پھر فروخت کر کے بیچنا جائز ہے۔

(ومنها) أن يكون مملوكا.لأن البيع تمليك فلا ينعقد فيما ليس بمملوك…(ومنها) وهو شرط انعقاد البيع للبائع أن يكون مملوكا للبائع عند البيع فإن لم يكن لا ينعقد، وإن ملكه بعد ذلك بوجه من الوجوه إلا السلم خاصة، وهذا بيع ما ليس عنده «، ونهى رسول الله صلى الله عليه وسلم عن بيع ما ليس عند الإنسان، ورخص في السلم.( بدائع الصنائع، كتاب البيوع، فصل واما الذی يرجع الی المعقود عليه،ج: 5، ص:147)