واضح رہےكہ طلاق کےوقوع کے لیےبیوی کی طرف طلاق کی اضافت شرط ہے،اوریہ اضافت یاتوصراحتاًہوجیسے"میری بیوی كوطلاق ہے"، یابیوی کومخاطب کرتےہوئےیہ کہے"تم کو طلاق ہے"، یاکنایۃًاضافت ہو،جیسےبیوی کی طرف اشارہ کرتےہوئےیہ کہے"یہ مطلقہ ہے"، یا بیوی کومخاطب کرکےکہے"طلاق،طلاق،طلاق"۔اگربیوی کی طرف کسی بھی طرح اضافت نہ پائی جائے،نہ صراحتاً، نہ کنایۃً، نہ خطاباً، نہ اشارۃً،تومحض لفظِ طلاق کہنےسےطلاق واقع نہیں ہوگی۔

صورت مسئولہ کےمطابق اگرکوئی شخص اپنی بیوی کوطلاق دینےکی نیت سےتنہائی میں صرف لفظ طلاق کہےاوراپنی بیوی کی طرف کوئی اضافت نہ کرے، نہ صراحتاً، نہ کنایۃً، نہ خطاباً، نہ اشارۃً، تومحض لفظِ طلاق کہنےسےطلاق واقع نہیں ہوگی۔

(قوله لتركه الإضافة) أي المعنوية فإنھا الشرط والخطاب من الإضافة المعنوية، وكذا الإشارة نحو هذه طالق، وكذا نحو امرأتي طالق وزينب طالق. (رد المحتارعلى الدرالمختار،كتاب الطلاق،ج:4، ص: 458)