واضح رہے جب طلاق کو کسی شرط کے ساتھ معلق کیا جائے تو شرط کے پائے جانے کے ساتھ ہی طلاق واقع ہو جاتی ہے۔ اور شوہر جب بیوی کی طرف صرف طلاق کی نسبت کرے اور یوں کہے کہ تجھے طلاق تو بھی طلاق واقع ہوگی اگر چہ دیتا ہوں وغیرہ الفاظ نہ کہے۔

صورت مسئولہ میں جب سائل نے بیوی سے یہ کہا "اگر تو اپنی خالہ کے گھر گئی تو تجھے ڈائریکٹ تین طلاق" تو ان الفاظ سے تین طلاقیں خالہ کے گھر جانے پر معلق ہو گئیں پھر جیسے ہی بیوی خالہ کے گھر چلی گئی تو تین طلاقیں واقع ہو کر عورت مطلقہ مغلظہ ہو گئی ہے ۔ کیونکہ بیوی کو مخاطب کرکے جب "تجھے طلاق" کے الفاظ بولے جائیں تو عرف ورواج کے مطابق اس میں دلالۃً حکم موجود ہوتا ہے یعنی "ہے"کا لفظ دلالۃً مقدر ہوتا ہے چنانچہ ان الفاظ سے طلاق واقع ہو جاتی ہے۔

إذا أضافه إلى الشرط وقع عقيب الشرط اتفاقا،مثل أن يقول لامرأته إن دخلت الدار ،فأنت طالق۔(الفتاوى الهندية ،كتاب الطلاق،الباب الرابع في الطلاق بالشرط،ج:1،ص:420)