واضح رہے کہ جس مسلمان کی ملکیت میں ایسا سامان یا زمین موجود ہو، جو اس کی  بنیادی ضروریات  کے ساتھ مشغول نہ ہواور وہ نصاب کی مقدار تک پہنچتا ہو، تو ایسا شخص غنی شمار ہوتا ہے اور اس پر قربانی لازم ہے۔

صورتِ مسئولہ میں سائل جن زمینوں کا مالک ہے مجموعی لحاظ سے قرض منھا کرنے کے باوجود بھی چونکہ اس کی قیمت نصاب سے  زائد بنتی ہے اور یہ زمینیں اب موجودہ صورتحال میں سائل کی بنیادی ضرورت  کے ساتھ مشغول نہیں ہیں، اس وجہ سے سائل پر قربانی کرنا لازم ہے۔

والحاصل أن مايكون مشغولاً بحاجته الحالية نحو الخادم والمسكن، وثيابه التي يلبسها في الحال، لايعتبر في تحريم الصدقة بالإجماع، ومايكون فاضلاً عن حاجته الحالية يعتبر في تحريم الصدقة.(المحيط البرهانى، كتاب الزكاة، الفصل الثامن من توضع فيه الزكاة، ج:3، ص:217)