واضح رہے کہ قبرستان میں اگر قبریں نمازی کے با لکل سامنے ہوں اور درمیان میں کوئی حائل نہ ہو تونماز مکروہ ہوتی ہے، لیکن اگر قبریں نمازی کے پیچھے ہوں، یادرمیان میں اس طرح حائل ہو کہ قبریں نظر نہ آتی ہوں، تو کوئی کراہت نہ ہوگی۔

لہٰذا صورتِ مسئولہ کے مطابق وہ جگہ جو قبرستان میں نمازِ جنازہ پڑھنے کے لیے مخصوص کی گئی ہے اور اس کی چھت کے نیچے قبریں ہیں، وہاں نمازِ عید اور پنج وقتہ نماز یں پڑھنا جائز ہے۔

تكره الصلوة في المقبرة إذا كان القبر بين يدي المصلي بحيث لو صلى صلوة الخاشعين وقع بصره عليه وأما إذا كان خلفه أو فوقه أو تحت ما هو واقف عليه فلا كراهة على التحقيق. (حاشية الطحطاوي على مراقي الفلاح، باب مايفسد الصلاة، فصل فى المكروهات، ج:1، ص:357)