شریعتِ مطہرہ نے میاں بیوی کو حسنِ معاشرت کا حکم دے کر  یہ واضح کیا ہے کہ میاں بیوی کا رشتہ باہم اخلاقیات ،ایثار اور ہم دردی سے چلتا ہے،  اس لئے ازدواجی زندگی برداشت ،خیرخواہی اور ایک دوسرے کے احساسات کا خیال رکھنے سے خوشگوار بنتی ہے۔ اس وجہ سے بیوی کو چاہئے کہ وہ اپنے شوہر کو اپنے لئے ہر کسی سے بالاتر سمجھے ، مباح امور میں اس کی اطاعت کو اپنے اوپر لازم کرے،اس کی خیر خواہی اور رضا جوئی میں کوئی کمی نہ کرے ،شوہر کی غیر موجودگی میں اس کے گھر بار کی حفاظت کرے،شوہر کے والدین کا اکرام واحترام کرے وغیرہ۔ اسی طرح ساس یا دیگر رشتہ داروں کے لئے بھی مناسب نہیں کہ وہ میاں بیوی کے معاملات میں بلا ضرورت مداخلت کریں یا بیٹی کو بلا عذر شوہر کے گھر جانے سے روکیں  ۔

نیز ازدواجی بندھن کے سبب  شوہر پر بیوی کانان نفقہ واجب ہوتاہے جس کی تشریح فقہائے کرام نے بنیادی ضروریات زندگی یعنی کھانا  ،لباس اور رہائش  سے کی ہے، البتہ زمانے اور عرف کی تبدیلی سے ان ضروریات کی تشریح  بھی بدل جاتی ہے۔چونکہ آج کل امراض کے کثرت کی وجہ سے علاج معالجہ بھی  ضروریات زندگی کی حیثیت اختیار کرچکاہے کیونکہ اس  کے بغیر شوہر کے ہاں بیوی کاگزر ممکن نہیں، اس لیے  عصر حاضر کے کئی علماء  نے علاج معالجے کو بھی نفقے میں داخل قراردیاہے، لہٰذا شوہر پر لازم ہے  کہ وہ  اپنی وسعت کی بقدر  بیوی کے علاج کے اخراجات برداشت کیاکرے۔ البتہ اگر شوہر مالی تنگی میں ہو اور بیوی کے والدین یا دیگر رشتہ دار تعاون کردیں تو یہ احسان اور تعاون شمار ہوگا، جسے بعد میں طعنہ اور احسان جتانے کا ذریعہ بنانے سے قرآن وحدیث میں منع کیا گیا ہے۔

قال الله تعالى: ﴿ يَٰأَيُّهَا ٱلَّذِينَ ءَامَنُواْ لَا تُبۡطِلُواْ صَدَقَٰتِكُم بِٱلۡمَنّ وَٱلۡأَذَىٰ ﴾ [البقرة: 264]

و قال تعالى: ﴿ وَعَلَى ٱلۡمَوۡلُودِ لَهُ رِزۡقُهُنَّ وَكِسۡوَتُهُنَّ بِٱلۡمَعۡرُوفِ ﴾ [البقرة: 233]

ليس في النفقة عندنا تقدير لازم ،لأن المقصود من النفقة الكفاية وذالك ممايختلف فيه طباع الناس وأحوالهم ويختلف باختلاف الأوقات أيضا"(البحرالرائق،باب النفقة، ج:4، ص:296)

ويظهر لدي أن المداواة لم تكن في الماضي حاجة أساسية، فلا يحتاج الإنسان غالباً إلى العلاج؛ لأنه يلتزم قواعد الصحة والوقاية، فاجتهاد الفقهاء مبني على عرف قائم في عصرهم. أما الآن فقد أصبحت الحاجة إلى العلاج كالحاجة إلى الطعام والغذاء، بل أهم؛ لأن المريض يفضل غالباً ما يتداوى به على كل شيء، وهل يمكنه تناول الطعام وهو يشكو ويتوجع من الآلام والأوجاع التي تبرح به وتجهده وتهدده بالموت؟! لذا فإني أرى وجوب نفقة الدواء على الزوج كغيرها من النفقات الضرورية.( الفقه الإسلامي وأدلته، الفصل الخامس النفقات،نفقة الزوجة والأقارب ج:10، ص:7381)