واضح رہے کہ "فارغ " کا لفظ طلاق کے لئے بطورِ کنایہ استعمال ہوتا ہے، اگر مذاکرہ طلاق، دلالتِ حال یا نیت ہو تو بيوی پر طلاق بائن واقع ہوجاتی ہے، جس کے بعد رجوع کا حق نہیں ہوتا، البتہ اگر میاں بیوی ساتھ رہنا چاہیں تو عد میں یا عدت کے بعد باہمی رضامندی سے نیا مہر مقرر کرکے گواہوں کی موجودگی میں نکاح کرسکتے ہیں۔ اور شوہر کو آئندہ کے لئے صرف دو طلاقوں کا حق حاصل ہوگا، بشرطیکہ اس سے پہلے کوئی طلاق نہ دی ہو۔

لہذا صورت مسئولہ میں اگر شوہرنے  مذكوره الفاظ غصے كی حالت ميں بیوی سے كہے ہوں تو اس بیوی پر طلاقِ بائن واقع ہوچکی ہے۔

الكنايات (لاتطلق بها) قضاء (إلا بنية أو دلالة الحال). (الدرالمختار،كتاب الطلاق، جلد:1، ص:374)

ومايصلح جواباً وشتماً خلية ،برية، بتة،بتلة، بائن حرام  ۔۔۔۔ ففی حالة الرضاء لايقع الطلاق فی الألفاظ کلها الا بالنية. (الفتاوی الهندية، كتاب الطلاق، جلد:1، ص:374)

وإذا كان الطلاق بائنا دون الثلاث فله أن يتزوجها في العدة وبعد انقضائها " لأن حل المحلية باق لأن زواله معلق بالطلقة الثالثة فينعدم قبله. (الهدايۃ، جلد:2، ص:257)