واضح رہے  کہ کوئی شخص کسی عورت کو شہوت سے چھوتا ہے، تو اس سے حرمت مصاہرت کے ثبوت کے لیے جو شرائط بیان کی گئی ہیں، ان میں سے شہوت کے ساتھ رغبت جماع کا ہونا بھی ضروری ہے، صرف شہوت کا ہونا کافی نہیں۔

صورت مسئولہ میں اگر چہ مطلقہ عورت کو اس کے سسر نے بلا حائل کے ہاتھ لگایا ہے اور ہاتھ لگانے سے انتشار بھی ہوا، لیکن اس کے بیان کے مطابق اگر واقعتاً اس وقت رغبتِ جماع (مجامعت کی خواہش) موجود نہیں تھی تو حرمتِ مصاہرت ثابت نہیں ہوئی۔ لہذا حرمت مصاہرت ثابت نہ ہونے کی وجہ سے اس عورت کے لیے اپنے شوہر سے دوبارہ نکاح  کرنا جائز ہے۔

وجعلوا حدّ الشهوة أن يميل قلبه إليها ويشتهي جماعها.(المحيط البرهاني کتاب النکاح، الفصل الثالث عشر فى بيان آسباب تحريم، ج:3، ص:63)

قال عامة العلماء ‌الشهوة ‌أن ‌يميل قلبه إليها ويشتهي أن يواقعها، كذا في قاضي خان.(درر الحكام شرح غرر الأحكام، كتاب النكاح، ج:1، ص:330)