واضح رہے کہ ناپ تول  میں کمی کرنا حرام اور ناجائز ہے،  قرآن کریم اور احادیثِ مبارکہ میں اس سے منع کیا گیا ہے، اس لیے جو چیز  وزن کی شرط کے ساتھ بیچی  جائےوہ اس وزن سے کم دینا  یا اندازے سے دینا  بائع کے لیے حرام ہے۔

لہذا صورت مسئولہ  کے مطابق ایک کلو  کچی مچھلی کی بجائے750 /720 گرام  پکی مچھلی دینا جائز نہیں  ، اس کی جائز صورت یہ ہے کہ  کچی مچھلی کی الگ اور پکی مچھلی کی الگ قیمت طے کی جائے، پھر جو کچی مچھلی خریدنا چاہے اس کو کچی تول کر دی جائے اور جو پکی مچھلی خریدنے پر راضی ہو تو اس کو پکی تول کر فروخت کی جائے، یوں ناپ تول میں کمی کے گناہ سے بچا جا سکتا ہے۔

(ولا تنقصوا المكيال والميزان) کانوا إذا جاءهم البائع بالطعام أخذوا بكيل زائد، واستوفوا بغاية ما يقدرون  وظلموا، وإن جاءهم مشتر للطعام باعوه بكيل ناقص.( الجامع لأحكام القرآن للقرطبي، آیت:84، ج:9، ص:85)

قال القدوري: ما يتعين في العقد فهو مبيع. (الفتاوی الهندية، کتاب البیوع،  ج:3، ص:15)