واضح رہے کہ طلاق ماضی یاحال پردلالت کرنےوالےالفاظ کے ساتھ واقع ہوتی ہے۔جن الفاظ میں مستقبل میں طلاق دینے کی دھمکی ہویامستقبل میں طلاق دینے کےعزم کا اظہارہوان سےطلاق واقع نہیں ہوتی۔

صورت مسئولہ میں اگر شوہرنےبیوی کویہ الفاظ کہے ہوں: خولہ بند کہ گنی طلاق درکومہ( خاموش رہو ورنہ میں تمہیں طلاق دے دوں گا)۔دروغ مہ وایہ بس پہ ارام کینہ خولہ بند کہ گنی طلاق درکوم( جھوٹ مت بولو، بس سکون سےبیٹھو، خاموش رہوورنہ میں طلاق دےدوں گا)۔خولہ بندہ ساتہ گنی طلاق درکوم(اپنا منہ بند رکھو ورنہ میں تمہیں طلاق دے دوں گا)۔یہ الفاظ چونکہ مستقبل کے لیے استعمال ہوتے ہیں،حال کے لیےنہیں،اس لیے ان الفاظ سے صرف ارادہ طلاق کا اظہارہوتا ہے،ان سے طلاق واقع نہیں ہوتی اورنکاح پر کوئی اثر نہیں پڑتا۔

صيغة ‌المضارع ‌لا ‌يقع ‌بها الطلاق إلا إذا غلب في الحال.(تنقیح الحامدیۃ،کتاب الطلاق،ج:1،ص:37)