واضح رہے کہ بائنانس کرپٹو کرنسی ایکسچینج ہےجس کےذریعے صرف ڈیجیٹل کرنسیوں کی خرید و فروخت کی جاتی ہےاس لئے اس میں ڈالرخریدنا یا بھیجنا ممکن نہیں البتہ USDTکی خرید وفروخت اورترسیل ہوتی ہےجس کی ویلیوڈالرکےبرابرہوتی ہے تاہم USDT بذات خود بھی ایک کرپٹو کرنسی ہےاورکرپٹو کرنسی کی  حقیقت  ہماری معلومات کے مطابق ابھی تک پوری طرح واضح نہیں ہوئی اور فی الحال یہ ارتقائی مراحل سے گزررہی ہے جبکہ قانونی سطح پر بھی ابھی تک دنیا کے اکثر ممالک میں اسے قانونی کرنسی کی حیثیت حاصل نہیں ۔ لہذا جامعہ عثمانیہ کے دار الافتاء نے اس بارے میں غوروخوض کے بعد یہ فیصلہ کیا ہے کہ فی الحال اس کےبارے میں کوئی حتمی  رائے قائم نہیں ہوسکتی،البتہ مناسب یہ ہے کہ حقیقت واضح ہونے تک اس میں معاملات  کرنےسے احتراز کیا جائے کیونکہ مومنین کی یہ خوبی ہے کہ وہ شبہات سے بھی اپنے آپ کو بچاتے ہیں بالخصوص جب کہ اس چیز میں زندگی کی کوئی لازمی ضرورت بھی نہ ہو۔ لہٰذاصورت مسئولہ کے مطابق بائنانس کےذریعےرقوم کی ترسیل سےاحترازکامشورہ دیا جاتاہے۔ واللہ اعلم

 عن عامر قال: سمعت النعمان بن بشير يقول:سمعت رسول الله صلى الله عليه وسلم يقول: (‌الحلال ‌بين، والحرام بين، وبينهما مشبهات لا يعلمها كثير من الناس، فمن اتقى المشبهات استبرأ لدينه وعرضه، ومن وقع في الشبهات: كراع يرعى حول الحمى يوشك أن يواقعه، ألا وإن لكل ملك حمى، ألا وإن حمى الله في أرضه محارمه،ألا وإن في الجسد مضغة: إذا صلحت صلح الجسد كله، وإذا فسدت فسد الجسد كله، ألا وهي القلب).(صحيح البخاري ،باب فضل من استبرا لدينه،ج:1 ص:13)