قرآن مجید کاادب واحترام ہر مسلمان کا مذہبی فریضہ ہے۔دینی غیرت وحمیت کا تقاضہ یہ ہے کہ ہر اس فعل سے گریز کیا جائے جس سے قرآن کریم کی بے ادبی لازم آتاہوجیسے قرآن  کو زمین پر رکھنا،اس کی طرف پاؤں پھیلانا وغیرہ ،لیکن اگر کہیں کسی نیچے جگہ میں قرآن کی تلاوت  کرنے والے اور  اوپر بیٹھے ہوئے لوگوں کے مابین کوئی چھت وغیرہ حائل ہویا ان دونوں کے درمیان فاصلہ زیادہ ہویا دونوں کی جگہیں الگ الگ ہوں جیسے دو منزلہ مکان،ٹرین کی ڈبل سٹوری سیٹ یا ڈبل سٹوری چارپائی تو پھرنیچے حصہ میں قرآن کی تلاوت کرنا جائز ہے۔

 چونکہ ڈبل سٹوری چارپائی کے دونوں حصے الگ الگ جگہ شمار کی جاتی ہیں،لہذا ڈبل سٹوری میں نیچے حصہ میں بیٹھ کرقرآن کریم پڑھنےکی حالت میں کسی ساتھی کا اوپر والے حصہ میں سونا یا لیٹنا بے ادبی میں شمار نہ ہوگا۔

‌ومن ‌حرمته ‌أن ‌يضعه في حجره إذا قرأه أوعلى شي بين يديه ولا يضعه بالأرض ۔(الجامع لاحکام القرآن للقرطبی،باب ما یلزم قاری القرآن وحاملہ،ج:1،ص:28)