واضح رہے کہ سوال میں ذکر کردہ حدیثِ مبارک کی تشریح میں محدثین کرام نے جو تفصیل بیان فرمائی ہے، اس سے معلوم ہوتا ہے کہ حدیث میں مذکور وعید اس شخص کے متعلق ہے جو پیشاب کے قطروں سے پاکی حاصل کرنے میں کوتاہی اور لاپرواہی برتتا ہے، اور لباس پر نجاست لگنے کے باوجود اسے صاف نہیں کرتا۔ اگر کسی شخص کو وقتی طور پر نجاست لگ جائے جسے وہ  دھو لے اور طہارت حاصل کر لے، تو ایسا شخص مذکورہ حدیث کی وعید کے زمرے میں داخل نہیں ہوگا۔

لہٰذا، صورتِ مسئولہ کے مطابق اگر کوئی شخص رات کو سوتے وقت لباس تبدیل کر کے نائٹ ڈریس پہن لیتا ہے اور اپنی اہلیہ کے ساتھ لیٹتا ہے، تو اس دوران اگر مَذی یا پیشاب کے چند قطرے بدن یا کپڑوں پر لگ جائیں، مگر وہ فجر کے وقت بیدار ہو کر استنجا کر لے اور بدن و لباس پاک کر لے، تو وہ اس حدیثِ مبارک کی وعید کا مصداق نہیں بنے گا۔

عن أبي هريرة أن رسول الله صلى الله عليه وسلم قال: «استنزهوا من البول فإن عامة عذاب القبر منه.( سنن الدارقطني، كتاب الطهارة، باب نجاسة البول والأمر بالتنزه منه والحكم في بول ما يؤكل لحمه، ج:1،ح:464)

كان لا يستتر من بوله يعنى أنه كان لا يستر جسده ولا ثيابه من مماسة البول، فلما عُذب على استخفافه لغسله والتحرز منه،دل أنه من ترك البول فى مخرجه، ولم يغسله أنه حقيق بالعذاب.(شرح صحيح البخاري لابن بطال، باب ما جاء فى غسل البول، ج:1، ص:325)