واضح رہے کہ طلاق کی ایک قسم تو طلاق مغلظ ہے کہ شوہر بیوی کو الگ کلموں سے یا ایک ہی کلمہ سے تین بار صراحتاً طلاق دے دے تو عورت اگر مدخول بہا ہو یا خاوند اس سے خلوت صحیحہ کر چکا ہو تو اس صورت میں عورت کوتین طلاقیں واقع ہو کر شوہر پر حرام ہو جاتی ہے۔

صورت مسئولہ میں اگر واقعی شوہر نے اپنی بیوی کو تین بار یہ الفاظ کہے ہوں "میں تمہیں طلاق دیتا ہوں" تو ان الفاظ سے اس کی بیوی تین طلاقوں کے ساتھ مطلقہ مغلظہ ہو چکی ہے لہذا شوہر کیلئے اس کے ساتھ ازدواجی تعلقات قائم کرنا جائز نہیں۔

‌

وإن ‌كان ‌الطلاق ‌ثلاثا في الحرة أو ثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها۔(الهداية، باب الرجعة،فصل فيما تحل به المطلقة،ج:2، ص:409)