سوال

آپ کی خدمت میں باجماعت نماز کے متعلق تین مسالک اور ان کے دلائل پیش کی جارہی ہے۔پہلا مسلک یہ ہے کہ شریعت میں باجماعت نماز کے بارے میں جو تاکید وارد ہوئی ہے، اس کا اصل محمل اور حقیقی مصداق مسجد کی جماعت ہے؛ لہٰذا اگر کوئی شخص مسجد کی جماعت کو ترک کر کے یا تو تنہا نماز ادا کرے یا کہیں اور جماعت کے ساتھ پڑھے، دونوں صورتوں میں تارک جماعت ہے۔ البتہ اسے ترکِ جماعتِ مسجد کے گناہ کے ساتھ ساتھ نفسِ جماعت کی ستائیس گنا فضیلت بھی حاصل ہو جائے گی۔ فقیہ النفس ابو حنیفۂ ثانی حضرت اقدس مولانا رشید احمد گنگوہی رحمتہ اللہ علیہ اپنی کتاب ”القطوف الدانیة فی تحقیق الجماعة الثانیة“ میں رقم طراز ہیں: اور یہ جو وجوبِ جماعت کا حکم ہے، وہ جماعتِ اُولیٰ کے ساتھ مخصوص ہے، جو ایک دوسری قسم ہے، نہ کہ صرف مطلق جماعت کے لیے۔(القطوف الدانیة فی تحقیق الجماعة الثانیة)مترجم: مفتی اعظم محمد شفیع عثمانی، جواہر الفقه ٢/٥٧-٥٨) فقیہ النفس حضرت اقدس مولانا رشید احمد گنگوہی کے معتمد، مفتی اعظم ہند شیخ عزیز الرحمن عثمانی رحمتہ اللہ علیہ ایک سوال کے جواب میں ارقام فرماتے ہیں: ” ترکِ جماعتِ مسجد دائمی طور پر معصیت ہے، اور اس پر اصرار فسق ہے۔“ (فتاوی دارالعلوم دیوبند جدید ٣/٦٥، مرتب: حضرت مفتی محمد امین صاحب پالن پوری) فقیہ العصر حضرت مولانا رشید احمد صاحب لدھیانوی رحمتہ اللہ علیہ رقم طراز ہیں: روایاتِ بالا سے معلوم ہوا کہ غیر معذور کے لیے جماعتِ مسجد میں حاضری ضروری ہے۔ محلے میں مسجد ہوتے ہوئے بلا عذر گھر میں جماعت کرنے سے جماعت کا ثواب نہیں ملے گا، بلکہ یہ فعل بدعت اور مکروہِ تحریمی ہے، بالخصوص اس کی عادت بنا لینے میں کراہتِ شدیدہ ہے۔ (احسن الفتاوی: ٣/٢٧٢-٢٧٤، ط: زکریا)  ان کی عبارات سے معلوم ہوتاہے  کہ احادیثِ نبویہ میں ترکِ جماعت پر جو وعیدیں وارد ہوئی ہیں، ان کا تعلق صرف اور صرف مسجد کی جماعت سے ہے، نفسِ جماعت سے نہیں۔

دوسرا مسلک یہ ہے کہ مسجد کی جماعت محض افضل ہے لہذا اگر کوئی شخص بلا عذر مسجد کی جماعت ترک کرتا ہے اور اپنی جماعت قائم کرتا ہے تو یہ جائز ہے۔ اس پر تارک جماعت کے احکام لاگو نہیں ہوں گے فتاوی خانیہ میں ہے: وإن صلّى بجماعة في البيت اختلف فيه المشايخ والصحيح أن للجماعة في البيت فضيلة وللجماعة في المسجد فضيلة أخرى، فإذا صلّى في البيت بجماعة فقد حاز فضيلة أدائها بالجماعة وترك الفضيلة الأخرى هكذا قاله القاضي الإمام أبو علي النسفي رحمه الله تعالى، والصحيح أن أدائها بالجماعة في المسجد أفضل؛ لأن فيه تكثيرًا للجماعة، وكذلك في المكتوبات. (فتاوی قاضی خان: ١/٢٠٥، ط: دارالکتب العلمیة) فتاوی بزازیہ میں ہے :الثالث في التراويح: وإن صلاها بجماعة في بيته فالصحيح أنه نال إحدى الفضيلتين فإن الأداء بجماعة في المسجد له فضيلة ليس للأداء في البيت ذلك، وكذا الحكم في المكتوبة. (الفتاوى البزازية: ١/٢٩ كتاب الصلاة، الثالث في التراويح، ط: دار الكتب العلمية) الدر المختار: (وأقلها اثنان) واحد مع الإمام ولو مميزا أو ملكا أو جنيا في مسجد أو غيره. (الدر المختار مع رد المحتار ط: حلبي ١/‏٥٥٤) مراقي الفلاح میں ہے : «والصلاة بالجماعة سنة...... ويحصل فضل الجماعة بواحد ولو صبيا يعقل أو امرأة ولو في البيت مع الإمام وأما الجمعة فيشترط ثلاثة أو اثنان كما سنذكره. (مراقي الفلاح شرح نور الإيضاح: ١/‏١٠٩، ط: المكتبة العصرية)

تیسرا مسلک یہ ہے کہ مسجد کی جماعت مستقل واجب ہے اور نفس جماعت مستقل واجب ہے۔ اعلاء السنن میں ہے’’فثبت أن إتیان المسجد أیضاً واجب کوجوب الجماعة، فمن صلاها بجماعة في بیته أتی بواجب وترك واجباً آخر‘‘.

جواب

---

---