واضح رہے کہ  مسابقہ میں اگر جانبین کے علاوہ تیسرے آدمی کی طرف سے انعام مقرر کیا گیا ہو تو یہ جائز ہے،کیونکہ   جس طرح   گھوڑوں اور اونٹوں کے دوڑ کی اور تیر اندازی کا مسابقہ کرنا جائز اور ثابت ہے اسی طرح  فقہاء کرام نے ہر اس مسابقہ کی اجازت دی ہے جس سے کوئی دینی یا دنیاوی جائز مقصد وابستہ ہو۔

صورت مسئولہ کے مطابق نبی کریمﷺ کی حیات مبارکہ کے ہر پہلو سے لوگوں کو خبردار کرنااور ان میں سنت پر عمل کرنے کا جذبہ اجاگر کرنا بھی ایک اہم دینی مقصد ہے لہذا اس جیسی محفل میں کسی شخص کی طرف سے اول ،دوم ،سوم پوزیشن حاصل کرنے والوں کے لیے انعام مقرر کرنا  قمار کے حکم میں داخل نہیں ہے اور اس میں شرکت کرنا جائز ہے ،نیز اسکول  انتطامیہ کو چاہیئے کہ انٹری فیس کی رقم کو واقعتاً پروگرام  کے اخراجات کےلیے   استعمال کرے ان رقوم کوپیسہ کمانے کا ذریعہ نہ بنائے ۔

وما يفعله الأمراء فهو جائز أيضا بأن يقولوا لاثنين: أيكما سبق فله كذا.( الفتاوى الهندية، کتاب الحظر والإباحة، باب المسابقة، ج:5، ص:324)

(قوله من جانب واحد) ...أو يقول الأمير لفارسين أو راميين من سبق منكما فله كذا. (رد المحتار علی الدرالمختار، کتاب الحظر والإباحة، ج:9، ص:578)  

(و) كذا الحكم (في المتفقهة) قوله وكذا الحكم في المتفقهة أي على هذا التفصيل وكذا المصارعة على هذا التفصيل وإنما جاز، لأن فيه حثا على الجهاد وتعلم العلم. (رد المحتارعلی الدرالمختار، کتاب الحظر والإباحة، ج:9، ص:577)