واضح رہےکہ جس علاقے میں صحت جمعہ کےدوسری شرائط پائی جاتی ہوں یعنی وہ مصر یا بڑا گاؤں ہو جس میں بنیادی ضروریات پائی جاتی ہوں، اور اس کی آبادی دو ڈھائی ہزار افراد پر مشتمل ہوتو وہاں جمعہ پڑھنا جائز ہوگا، لیکن جس علاقے میں صحت جمعہ کی شرائط موجود نہ ہوں یعنی چھوٹا گاؤں ہو یا اس میں آبادی کم ہو تو اس میں نمازجمعہ کی ادائیگی صحیح نہ ہوگی۔

صورت مسؤلہ میں اگر گرمی کے موسم میں یہ علاقہ بڑا گاؤں بن جاتا ہو تو جب تک بڑےگاؤں کی شرط موجود ہوگی، جمعہ درست رہے گا، لیکن سردیوں کے موسم میں اگر آبادی کم ہوجانےسے بڑے گاؤں کی حیثیت متاثر ہوجائے تو جمعہ کا حکم بھی متاثر رہے گا۔اسی علت کی بنا پر منیٰ کے مقام پر صرف ایام حج میں جمعہ درست ہے، باقی ایام میں شرائط جمعہ کے فقدان کی وجہ سے جمعہ درست نہیں۔

(وجازت) الجمعة (بمنى في الموسم) فقط،...(قوله في الموسم) أي موسم الحاج وهو سوقهم ومجتمعهم،... (قوله فقط) أي فلا تصح في منى في غير أيام اجتماع الحاج فيها لفقد بعض الشروط. ( رد المحتار، كتاب الصلاة، باب الجمعة، ج:2، ص:144 )

‌تقع ‌فرضا ‌في ‌القصبات والقرى الكبيرة التي فيها أسواق. ( رد المحتار، كتاب الصلاة، باب باب الجمعة، ج:2، ص:138 )

لا ‌تصح ‌الجمعة إلا في مصر جامع أو في مصلى المصر ولا تجوز في القرى لقوله عليه الصلاة والسلام " لا جمعة ولا تشريق ولا فطر ولا أضحى إلا في مصر جامع". ( الهداية، كتاب الصلاة، باب صلاة الجمعة، ج:1، ص:82 )