واضح رہے کہ جو شخص کسی مال تجارت  کا مالک ہواوروہ  مقدار نصاب کو پہنچے تو سال گزرنے کے بعد اس پر زکوۃ واجب ہوتی  ہےنیز کسی چیز کے خریدنے سے خریدار  اس چیز کا مالک بنتا ہے ،چاہے اس  کو نقد خریدا ہو یا ادھار خریدا ہو،البتہ مال تجارت کے حساب لگاتے وقت جتنے دیون زکوۃ ادا کرنے والے کے ذمہ ہوں ان کو منہا کیا جائے گا،اور باقی مال اگر بقدر نصاب رہتا ہو تو اس کی  زکوۃ ادا کرے گا۔

لہذا صورت مسئولہ کے مطابق مذکورہ آدمی پورے مال تجارت کی  زکوۃ ادا کرے گا جس کاثمن ادا کیا ہےاس کی بھی  اور جس کا ثمن ابھی تک ادھار ہے  اس کی بھی، البتہ دیگر دیون کی طرح جو ثمن اس کے ذمہ قرض ہے اس کو بھی پورے مال تجارت سےمنفی کیا جائے گا ۔

وأما الشرائط التي ترجع إلى المال فمنها: الملك فلا تجب الزكاة في سوائم الوقف والخيل المسبلة لعدم الملك وهذا؛ لأن في الزكاة تمليكا والتمليك في غير الملك لا يتصور. (بدائع الصنائع، كتاب الزكوة، ج:2، ص:389)

  (ومنها الفراغ عن الدين) قال أصحابنا - رحمهم الله تعالى -: كل دين له مطالب من جهة العباد يمنع وجوب الزكاة سواء كان الدين للعباد كالقرض وثمن البيع وضمان المتلفات وأرش الجراحة. ( الفتاوى الهندية، كتاب الزكوة، ج:1، ص:234)