شریعت مطہرہ میں قرض دینا احسان کا معاملہ ہے اس پر کسی قسم کا مشروط اضافہ یا منافع حاصل کرنا سود کے زمرے میں آتا ہے جو کہ جائز نہیں، قرض کی واپسی اس کے مثل سے کی جائی گی لہٰذا جو کرنسی قرض لی گئی ہو وہی کرنسی اسی مقدار میں واپس کرنا ضروری ہوگا۔

صورت مسئولہ میں اگر سائل نے کسی سے ایک لاکھ پاکستانی روپے قرض لیے تھے تو اگر چہ ریال کی قیمت بڑھ چکی ہو پھر بھی شرعاً سائل پر ایک لاکھ پاکستانی روپے ہی واپس کرنا لازم ہے۔ البتہ اگر ریال دینا ہو تو موجودہ ریٹ کے مطابق ریال دینا ہوگا۔

هو عقد مخصوص يرد على دفع مال مثلي لآخر ليرد مثله (تنویر الأبصار، كتاب البيوع، فصل في القرض، ج:5، ص:161)

‌الديون ‌تقضى ‌بأمثالها. (الهداية في شرح بداية المبتدي،باب الوكالة بالخصومة والقبض، ج:3، ص:149)

في ‌رجل ‌استقرض ‌من ‌آخر ‌مبلغا ‌من ‌الدراهم وتصرف بها ثم غلا سعرها فهل عليه رد مثلها؟ نعم ولا ينظر إلى غلاء الدراهم ورخصها (تنقيح الحامدية، باب القرض، ج:1، ص:279)

وإن استقرض دانق فلوس ‌أو ‌نصف ‌درهم ‌فلوس، ثم رخصت أو غلت لم يكن عليه إلا مثل عدد الذي أخذه. (رد المحتار، باب المرابحة والتولية، فصل في القرض، ج:5، ص:162)