فقہائے احناف کے ہاں نمازِ جمعہ  کی صحتِ ادا کے لیے من جملہ دیگر شرائط کے ایک شرط یہ ہے کہ وہ جگہ مصرہو یا وہ  بڑا گاؤں ہو جس میں ضروریات زندگی میسر ہوں۔ہر زمانے کے فقہاء نے اپنے زمانے کے حالات اور عرف کو مدنظر رکھتے ہوئے مصر  یا بڑےگاؤں کی تعریف کی ہے۔موجودہ زمانے میں جس علاقے  کی مستقل آبادی دو ڈھائی ہزار افراد پر مشتمل ہواور ضروریاتِ زندگی دستیاب ہوں تو وہ بڑا گاؤں کہلائے گا،چنانچہ وہاں جمعہ پڑھنا جائز ہوگااور وہ علاقے جو اس کے توابع میں داخل ہوں، وہاں بھی جمعہ جائز ہوگا۔

لہذا صورتِ مسئولہ میں ذکر کردہ گاؤں  جس کی آبادی  پینتیس سو(3500)  سے زیادہ افراد پر مشتمل ہے اور اس میں دکانیں بھی ہیں اگرچہ بازار کی شکل میں نہیں ہیں لیکن ضروریاتِ زندگی میسر ہیں ،تو اس میں نمازِ جمعہ پڑھنا جائز ہے ۔

لا تصح الجمعة إلا في ‌مصر ‌جامع أو في مصلى المصر ولا تجوز في القرى. (الهداية، كتاب الصلاة، باب صلاة الجمعة، ج:1، ص:82)

أما المصر الجامع فشرط وجوب الجمعة وشرط صحة أدائها عند أصحابنا حتى لا تجب الجمعة إلا على أهل المصر ومن كان ساكنا في توابعه وكذا لا يصح أداء الجمعة إلا في المصر وتوابعه فلا تجب على أهل القرى التي ليست من توابع المصر ولا يصح أداء الجمعة فيها.(بدائع الصنائع، كتاب الصلاة، فصل بيان شرائط الجمعة، ج:1، ص:259)