واضح رہے  اگر  کوئی  کسی شخص کومعین افراد  یا معین ادارے کو زکوٰۃ دینے کے لیے وکیل بنائے تو وکیل کے لیے اس کی خلاف ورزی کرنا جائز نہیں کہ اس کے بجائے کسی اور کو زکوٰۃ دے یا خود استعما ل کرے اگرچہ خود مستحق ہو ،کیونکہ وکیل کے پاس مؤکل کی دی ہوئی زکوٰۃامانت ہوتی ہے اور امانت میں اس طرح کاتصرف کرنا جس سے خیانت کاشائبہ پیدا ہو،جائز نہیں لہٰذا وکیل کے لیے مؤکل کی اجازت کے بغیراس میں تصرف کرنا جائز نہیں ہے۔

 صورت مسؤلہ میں اگر زکوٰۃ دہندہ نے مہتمم کو زکوٰۃ کی یہ رقم اس لیے دی ہوکہ وہ زکوٰۃ کی رقم مدرسہ کی ضروریات میں خرچ کرے تو اس صورت میں   اس کے لئے  جائز نہیں  کہ اسےخو د استعمال کرے  یا مستحق رشتہ داروں کو دے، چونکہ زکوٰۃ کے مال میں تملیک ضروری ہےاسی وجہ سے مہتمم کے لیے ضروری ہے کہ مال زکوٰۃ کا طلباء سے تملیک کرائے، باقاعدہ تملیک کے بعد جب رقم  مدرسہ کی ملکیت بن جاتی ہےتو یہ مدرسہ کی ہر ضرورت میں خرچ ہو سکتی ہے۔

سئل عمر الحافظ عن رجل دفع إلی الآخرمالا فقال له"ھٰذا زکاۃ مالي فادفعھا إلی فلان"فدفعھا الوکیل إلی آخر ھل یضمن؟قال:نعم.(الفتاوى التاتارخانية،كتاب الزكوة،الفصل:المسائل المتعلقة بمعطى،جلد:3،ص:228)

 الوكيل ‌إنما ‌يستفيد التصرف من الموكل وقد أمره بالدفع إلى فلان فلا يملك الدفع إلى غيره كما لو أوصى لزيد بكذا ليس للوصي الدفع إلى غيره.(ردالمحتار علی الدرالمختار،کتاب الزکوۃ،جلد:3،ص:189)

ويشترط أن يكون الصرف (تمليكا) لا إباحة.(الدر المختار،کتاب الزکوٰۃ،باب المصرف،ص:137)