واضح رہے کہ عقد نكاح كے وقت طے شدہ مہر دینا شوہر کے ذمے لازم ہے، البتہ اگر شوہر اپنی خوشی سے اس مہر میں زیادتی کرے یا بیوی اپنی خوشی سے اس مہر میں کمی کرے یا معاف کرے تو ایسا کرنا جائز ہے۔

صورت مسئولہ کے مطابق ایک خاتون کا رشتہ بھیجنے والے سے یہ کہنا کہ آپ مہر زیادہ لکھوالیں میں بعد میں معاف کرلوں گی اس کی حیثیت ایک وعدہ کی ہے، عورت یہ وعدہ کرسکتی ہے اور اس طرح کرنے سے نکاح کے انعقاد پر کوئی اثر نہیں پڑتا۔

قال اللہ تعالی: وَءَاتُواْ ٱلنِّسَآءَ صَدُقَٰتِهِنَّ نِحۡلَةٗۚ فَإِن طِبۡنَ لَكُمۡ عَن شَيۡءٖ مِّنۡهُ نَفۡسٗا فَكُلُوهُ هَنِيٓـٔٗا مَّرِيٓـٔٗا [النساء:4]

وإن حطت عن مهرها صح الحط، كذا في الهداية. ولا بد في صحة حطها من الرضا حتى لو كانت مكرهة لم يصح ومن أن تكون مريضة مرض الموت هكذا في البحر الرائق. (الفتاوى الهندية، کتاب النکاح، ج:1، ص:313)