واضح رہے کہ والد کی زندگی میں جو بیٹے والد کے کاروبار میں اس کے ساتھ تعاون کرکے کوئی کمائی کر لیں تو وہ سب والد کی ملکیت شمار ہوگی، اوروالد کے مرنے کے بعد یہ اس کا ترکہ شمار ہوگا۔

صورت مسئولہ کے مطابق اگربیٹوں نے والد کی دکان میں اس کے ساتھ کام کیا ہو تواس دکان کی کمائی والد کی ملکیت شمار ہوگی اور بیٹے والد کے ساتھ معاون اور مددگار شمارہونگے،چنانچہ والد نےاس کمائی ہوئی رقم سے اگرکوئی زمین خریدی ہو اور والد وفات ہوجائے تو یہ خریدی ہوئی زمین والد کا ترکہ شمار ہوگا۔لہذا یہ اس کی موت کے وقت زندہ ورثاء کے درمیان شرعی اصولوں کے مطابق تقسیم  ہوگا۔

أب ‌وابن ‌يكتسبان ‌في ‌صنعة واحدة ولم يكن لهما مال فالكسب كله للأب إذا كان الابن في عيال الأب لكونه معينا له، ألا ترى أنه لو غرس شجرة تكون للأب.( الفتاوى الهندية، كتاب الشركة،شركة الأعمال، ج:2، ص:329)