اگر کسی طالبِ علم کے پاس اتنی درسی کتابیں ہوں جن کی قیمت زکوٰۃ کے نصاب تک پہنچتی ہو، لیکن اس نے یہ کتابیں خریدتے وقت تجارت کی نیت نہ کی ہو بلکہ صرف مطالعہ اور تعلیم کے لیے خریدی ہوں، تو ایسی صورت میں اگر اس کے پاس اس کے علاوہ کوئی اور مال موجود نہ ہو جو زکوٰۃ کے نصاب تک پہنچتا ہو، تو شرعاً ایسا طالبِ علم زکوٰۃ وصول کر سکتا ہے۔اسی طرح اگر سال کے دوران اس نے مزید نئی کتابیں بھی خریدی ہوں، اور وہ بھی تجارت کی نیت سے نہ خریدی ہوں، اور وہ اپنے دیگر اموال کی وجہ سے مالکِ نصاب نہ بن رہا ہو، تو اس صورت میں بھی وہ زکوٰۃ وصول کرنے کا مستحق ہوگا۔

(قوله: فارغ عن حاجته) قال في البدائع: قدر الحاجة هو ما ذكره الكرخي في مختصره فقال: لا بأس أن يعطي من الزكاة من له مسكن، وما يتأثث به في منزله وخادم وفرس وسلاح وثياب البدن وكتب العلم إن كان من أهله، فإن كان له فضل عن ذلك تبلغ قيمته مائتي درهم حرم عليه أخذ الصدقة، لما روي عن الحسن البصري۔(رد المحتار على الدر المختار،كتاب الزكاة،باب مصرف الزكاة والعشر،ج:2،ص:347)