واضح رہے کہ شریعت مطہرہ میں مسلمانوں کے خلاف کفار و مشرکین کی مدد کرنے سے منع کیا گیا ہے، مدد چاہے مالی ہو یا بدنی،خصوصاً جب کفار و مشرکین مسلمانوں کے ساتھ جنگ کی حالت میں ہوں، اس ممانعت کے باوجود اگر کوئی آدمی مسلمانوں کے خلاف مشرکین کی مدد  کرتا ہو تو وہ گناہگار ہوگا، لیکن اگر وہ اعتقادی طور پر کفار کے ساتھ ہو اورکفار کو اس جنگ میں حق پر سمجھتا ہو، اور مسلمانوں کے خلاف ان کی مدد کرتا ہو تو وہ دائرہ اسلام سے خارج ہوجاتا ہے، کیونکہ مسلمانوں کے خلاف کفار و مشرکین کی مدد کرنا حرام ہے، اور حرام کے حلال ہونے کا اعتقاد رکھنا سبب کفر ہے۔

قال الله تعالی: ﴿وَمَنْ يَتَوَلَّهُمْ مِنْكُمْ فَإِنَّهُ مِنْهُمْ﴾ (مائده، آيت:51)

 (ويكره) تحريما (بيع السلاح من أهل الفتنة إن علم) لأنه إعانة على المعصية (وبيع ما يتخذ منه كالحديد) ونحوه يكره لأهل الحرب (لا) لأهل البغي لعدم تفرغهم لعمله سلاحا لقرب زوالهم، بخلاف أهل الحرب زيلعي. (ردالمحتار علی المختار، كتاب الجهاد، باب البغاة، جلد:4، ص:268)

من اعتقد الحرام حلالا أو على القلب يكفر.( ردالمحتار علی الدر المختار، جلد:1، ص:279)