اس میں کوئی شک نہیں کہ بچے کی زندگی پر نام کا اثر  ہوتا ہے،اس لیے اچھے معنی والا  نام رکھنا چاہیے، تا کہ اس کا  اچھا اثر بچے کی زندگی پررہے،نیز حضورﷺ،صحابہ کرامؓ یا علما اورصلحاے اُمت نے جو نام پسند کیے ہیں وہ نام رکھنا زیادہ بہتر ہے ۔

صورت مسؤلہ میں لفظ  „مصحف“ عربی زبان میں لکھے ہوئے اوراق کے مجموعے کو کہا جاتا ہے۔ عام طور پر اس کا استعمال قرآنِ مجید کے لیے ہوتا ہے۔ یہ لفظ اشخاص کے نام کے طور پر استعمال نہیں کیا جاتا، اس لیے بطورِ نام رکھنا مناسب نہیں۔ بہتر یہ ہے کہ انبیائے کرام علیہم السلام یا صحابۂ کرام رضی اللہ عنہم کے ناموں میں سے کوئی نام رکھا جائے، یا کوئی اور بامعنی اور اچھا نام منتخب کیا جائے۔

والمصحف ‌والمصحف: الجامع للصحف المكتوبة بين الدفتين كأنه أصحف، والكسر والفتح فيه لغة۔(لسان العرب،فصل الصاد المھملۃ،ج:9،ص:186)